«My padtrymlivajem kantakty z amierykancami, ale bačym, što i ŭkraincy taksama aktyŭna ź imi majuć kantakty», — skazaŭ Juryj Ušakoŭ.
U Rasii zajavili, što trochbakovyja pieramovy adnosna Ukrainy «na paŭzie», pakolki amierykanskija pieramoŭščyki «zaniatyja inšym». Pra heta zajaviŭ pamočnik rasijskaha kiraŭnika Juryj Ušakoŭ, piša TASS.
«Zaraz u trochbakovych pieramovach nastupiła paŭza. My padtrymlivajem kantakty z amierykancami, ale bačym, što i ŭkraincy taksama aktyŭna ź imi majuć kantakty. Ciapier amierykanskija pieramoŭščyki — my viedajem, pra kaho idzie havorka — zaniatyja inšym, inšaj prablemaj u bolšaj stupieni», — skazaŭ jon.
Akramia taho, Ušakoŭ raspavioŭ, ci infarmujuć ZŠA Rasiju pra chod svaich pieramoŭ z Ukrainaj.
«Praciahvajecca praces kantaktaŭ, i ŭ chodzie hetych kantaktaŭ my abmiarkoŭvajem, ja b skazaŭ, najpierš ukrainskuju prablematyku», — adznačyŭ jon.
Kamientary