Rasijanie ŭ vielikodnuju noč atakavali dronam chutkuju na Sumščynie — paciarpieli troje miedykaŭ
U vielikodnuju noč na 12 krasavika rasijskija vojski atakavali miedycynski aŭtamabil u Hłuchaŭskaj hramadzie Sumskaj vobłaści. Pra heta paviedamiŭ načalnik Sumskaj AVA Aleh Hryharaŭ.
Pavodle ŭładaŭ Sumščyny, rasijski bieśpiłotnik paceliŭ u miedycynski transpart, u vyniku čaho troje miedykaŭ atrymali ranieńni. Im apieratyŭna akazali dapamohu. Pahrozy žyćciu niama.
Hety incydent, a taksama šerah inšych atak adbylisia paśla aficyjnaha abviaščeńnia Uładzimiram Pucinym «vielikodnaha pieramirja», jakoje pavinna było pačacca a 16:00 11 krasavika i praciahvacca da kanca sutak 12 krasavika.
Hienieralny štab USU paviedamiŭ, što paśla vyznačanaha času zafiksavana 469 vypadkaŭ parušeńnia režymu spynieńnia ahniu z boku RF. Rasijskija vojski ździejśnili 22 šturmavyja dziejańni, 153 artyleryjskija abstreły i vykarystali amal 300 udarnych dronaŭ.
Akramia ŭdaru na Sumščynie, analityki DeepState zafiksavali ataku FPV-dronami na evakuacyjnuju hrupu z ukrainskimi paranienymi kala HulajpolaZaparožskaj vobłaści ŭviečary 11 krasavika. Pavodle źviestak manitorynhavaha prajekta, hrupa była źniščana padčas vykanańnia zadač pa evakuacyi paranienych.
Kamientary
"Biełaruś dapamahała Rasii vyratavać vajennapałonnych Rasiejskich sałdat z ukrainskaha pałonu, što jašče raz padkreślivaje hatovaść nas dapamahać Brackaj Krainie. Taksama našy lekary dapamahli ratavać Ruskich paśla žorstkich napadaŭ ukrainy. Niehledziačy na heta, Biełaruś prytrymlivacca maksimalnaha niejtralitetu, i budzie adnolkava stavicca jak da pazicyi Rasii, tak i ukrainy.-0-"
(belta.by)