Jaki šans maładomu nastaŭniku zastacca na raźmierkavańnie ŭ stalicy?
U škołach vysoki popyt na nastaŭnikaŭ fiziki i matematyki, piedahohaŭ pačatkovaj adukacyi.
U Biełaruskim dziaržaŭnym piedahahičnym univiersitecie im. M. Tanka pačałosia raźmierkavańnie budučych nastaŭnikaŭ.
«Płanujem nakiravać na pieršyja pracoŭnyja miescy kala 760 vypusknikoŭ, ź ich 50% — u stalicu, 40% — u Minskuju vobłaść, i 10% — u inšyja rehijony krainy»,
— raskazaŭ ahienctvu «Minsk-Naviny» prarektar BDPU Alaksandr Franckievič.
Na kožnaha studenta prypadajuć dźvie-try zajaŭki ad pracadaŭcaŭ. Jość i vielmi zapatrabavanyja śpiecyjalnaści. Naprykład, vysoki popyt na nastaŭnikaŭ fiziki i matematyki, piedahohaŭ pačatkovaj i daškolnaj adukacyi.
Mnohija vypuskniki spyniajuć vybar na novych škołach i dziciačych sadkach.
Z čaćvierakurśnikaŭ Instytuta inkluziŭnaj adukacyi BDPU (ich krychu bolš za 100 čałaviek) 80% zastanucca ŭ Minsku.
«Sioleta vypuskajem pa čatyroch śpiecyjalnaściach: «Alihafrenapiedahohika», «Surdapiedahohika», «Tyfłapiedahohika», «Łahapiedyja». Kolkaść vakansij pieravyšaje kolkaść vypusknikoŭ. Patreba ŭ stalicy vielizarnaja. U rehijony zmahli adpravić tolki metavikoŭ», — raspaviała dyrektarka Instytuta Viera Chitruk.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary