Iran kančatkova admoviŭsia ad pieramoŭ z ZŠA. Tramp padoŭžyŭ spynieńnie ahniu ź Iranam i znajšoŭ dla taho apraŭdańnie
Pradstaŭniki Irana admovilisia prysutničać na pieramovach z ZŠA, jakija byli zapłanavany na 22 krasavika ŭ Isłamabadzie (Pakistan), paviedamlaje iranskaje ahienctva Tasnim.
Iran paviedamiŭ amierykanskamu boku praz pakistanskaha pasiarednika, što nie pryjedzie ŭ Isłamabad. Na dadzieny momant nijakich pierśpiektyŭ udziełu ŭ pieramovach niama, piša ahienctva.
Iran zajaviŭ, što ŭ ciapierašniaj situacyi ličyć udzieł u pieramovach marnavańniem času, pakolki ZŠA «pieraškadžajuć dasiahnieńniu luboha prymalnaha pahadnieńnia». Tamu Iran nie budzie ŭdzielničać u «amierykanskim šou».
Prezident ZŠA Donald Tramp u svaju čarhu abviaściŭ, što pa prośbie Irana padoŭžyŭ režym spynieńnia ahniu i pieramirje, pakul Iran nie pradstaviać svoj mirny płan.
Tramp znajšoŭ dla taho apraŭdańnie: tamu što kiraŭnictva Irana raskołataje.
«Zychodziačy z taho, što kiraŭnictva Irana surjozna raskołataje, što nie niečakana, i pa prośbie fieldmaršała Asima Munira i premjer-ministra Pakistana Šachbaza Šaryfa, nas paprasili prypynić našy ataki na dziaržavu Iran da taho času, pakul ich lidary i pradstaŭniki nie zmohuć vypracavać adzinuju prapanovu. U suviazi z hetym ja rasparadziŭsia, kab našy ŭzbrojenyja siły praciahvali błakadu i va ŭsich astatnich adnosinach zastavalisia hatovymi i zdatnymi, i, adpaviedna, praciahnuć spynieńnie ahniu da taho času, pakul ich prapanova nie budzie pradstaŭlenaja i abmierkavańni nie buduć zavieršanyja tym ci inšym čynam», — napisaŭ Tramp u sacsietcy Truth Social.
Takim čynam, situacyja vakoł Irana zastajecca padviešanaj, ceny na naftu — vysokimi.
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
(Trump always chickens out)