Іран канчаткова адмовіўся ад перамоў з ЗША. Трамп падоўжыў спыненне агню з Іранам і знайшоў для таго апраўданне
Прадстаўнікі Ірана адмовіліся прысутнічаць на перамовах з ЗША, якія былі запланаваны на 22 красавіка ў Ісламабадзе (Пакістан), паведамляе іранскае агенцтва Tasnim.
Іран паведаміў амерыканскаму боку праз пакістанскага пасярэдніка, што не прыедзе ў Ісламабад. На дадзены момант ніякіх перспектыў удзелу ў перамовах няма, піша агенцтва.
Іран заявіў, што ў цяперашняй сітуацыі лічыць удзел у перамовах марнаваннем часу, паколькі ЗША «перашкаджаюць дасягненню любога прымальнага пагаднення». Таму Іран не будзе ўдзельнічаць у «амерыканскім шоу».
Прэзідэнт ЗША Дональд Трамп у сваю чаргу абвясціў, што па просьбе Ірана падоўжыў рэжым спынення агню і перамір'е, пакуль Іран не прадставяць свой мірны план.
Трамп знайшоў для таго апраўданне: таму што кіраўніцтва Ірана расколатае.
«Зыходзячы з таго, што кіраўніцтва Ірана сур’ёзна расколатае, што не нечакана, і па просьбе фельдмаршала Асіма Муніра і прэм’ер-міністра Пакістана Шахбаза Шарыфа, нас папрасілі прыпыніць нашы атакі на дзяржаву Іран да таго часу, пакуль іх лідары і прадстаўнікі не змогуць выпрацаваць адзіную прапанову. У сувязі з гэтым я распарадзіўся, каб нашы ўзброеныя сілы працягвалі блакаду і ва ўсіх астатніх адносінах заставаліся гатовымі і здатнымі, і, адпаведна, працягнуць спыненне агню да таго часу, пакуль іх прапанова не будзе прадстаўленая і абмеркаванні не будуць завершаныя тым ці іншым чынам», — напісаў Трамп у сацсетцы Truth Social.
Такім чынам, сітуацыя вакол Ірана застаецца падвешанай, цэны на нафту — высокімі.
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары
(Trump always chickens out)