Narviehija admoviłasia prymać mižnarodnyja turniry pa vodnych vidach sportu, pratestujučy suprać biełarusaŭ i rasijan sa ściahami
Narviežskaja fiederacyja płavańnia zajaviła, što nie budzie pravodzić mižnarodnyja turniry pa vodnych vidach sportu, pakul arhanizacyja World Aquatics dazvalaje biełaruskim i rasijskim spartsmienam vystupać ź dziaržaŭnaj simvolikaj, piša «Trybuna».
Kiraŭnik fiederacyi Kata Bratbak padkreśliŭ, što pazicyja krainy adnaznačnaja: Narviehija nie budzie prymać spabornictvy, pakul spartsmieny ź Biełarusi i Rasii mohuć poŭnaściu ŭdzielničać u turnirach, vykarystoŭvać dziaržaŭnyja ściahi i himny.
Ciapier Narviehija imkniecca pašyryć taki padychod i zaklikaje inšyja krainy dałučycca da bajkotu. Na najbližejšaj sustrečy z pradstaŭnikami paŭnočnajeŭrapiejskich dziaržaŭ płanujecca abmierkavać mahčymaść sumiesnych dziejańniaŭ suprać rašeńnia World Aquatics.
U samoj mižnarodnaj fiederacyi zajavili, što praciahvajuć prytrymlivacca pazicyi, pavodle jakoj sport pavinien zastavacca prastoraj dla mirnaha spabornictva pamiž atletami z roznych krain.
Raniej stała viadoma, što spartsmienam ź Biełarusi i Rasii znoŭ dazvolili ŭdzielničać u spabornictvach pad dziaržaŭnymi ściahami, u adpaviednaj formie i z himnami, a taksama adnavili ich poŭnaje členstva ŭ arhanizacyi.
Da hetaha Polšča taksama abviaściła, što nie dapuścić pradstaŭnikoŭ Biełarusi i Rasii da čempijanatu Jeŭropy 2027 hoda pa skačkach u vadu, jaki maje pravieści.
Biełaruskich spartoŭcaŭ dapuścili da darosłych spabornictvaŭ sa ściaham i himnam
Arynu Sabalenka pryznali spartsmienkaj hoda na prestyžnaj premii
Na čempijanacie Jeŭropy biełaruski barec daŭ poŭchu tytułavanamu turku za jaho nachabstva. Heta ledź nie kaštavała našamu miedala
Baksior Jan Chielin, jaki vystupaŭ za Bielhiju, pierajedzie ŭ Biełaruś
Ciapier čytajuć
Anžalicy Mielnikavaj vydali pašpart prykryćcia na imia Anhieliny Radzivonavaj?2
Kamientary