Dakumienty na pražyvańnie ŭ Polščy majuć bolš za 139 tysiač biełarusaŭ
Polskaje ŭpraŭleńnie pa spravach zamiežnikaŭ apublikavała źviestki pra biełarusaŭ, jakija pražyvajuć u Polščy, piša Reform.news.
Pa stanie na 1 krasavika roznyja dakumienty na prava pražyvańnia ŭ Polščy majuć 139 343 hramadzianiny Biełarusi, u tym liku:
- 83 971 čałaviek — časovy dazvoł na žycharstva
- 41 480 čałaviek — pastajanny dazvoł na žycharstva
- 10 203 — status dadatkovaj abarony
- 2 253 — status doŭhaterminovaha rezidenta ES
- 1 028 — status biežanca
- 417 — status časovaj abarony
- 171 čałaviek — inšyja padstavy
Varta adznačyć, što ŭ polskaj sistemie sacyjalnaha strachavańnia pry hetym zarehistravana bolš za 140 tysiač hramadzian Biełarusi. Adnak statystyka ŭpraŭleńnia pa spravach zamiežnikaŭ nie achoplivaje ŭładalnikaŭ pracoŭnych viz.
U minułym hodzie biełarusy padali 52 550 zajaŭ na atrymańnie vidaŭ na žycharstva ŭ Polščy, a za pieršy kvartał hetaha hoda ad hramadzian Biełarusi pastupiła 15 642 zajavy.
Sioleta za pieršy kvartał biełarusy atrymali:
- 5 926 časovych dazvołaŭ na žycharstva
- 953 pastajannyja dazvoły na žycharstva
- 212 statusaŭ rezidenta ES
Taksama ŭ dačynieńni da hramadzian Biełarusi było vyniesiena 846 admoŭnych rašeńniaŭ ab lehalizacyi ŭ Polščy, a razhlad 408 spraŭ byŭ spynieny. Usiaho ž za studzień—sakavik upraŭleńnie pryniało 8 345 rašeńniaŭ pa zajavach hramadzian Biełarusi.
64% vidaŭ na žycharstva biełarusam byli vydadzieny na padstavie pracy, 25% — uźjadnańnia siemjaŭ, 4% — adukacyi, pa inšych abstavinach — 7%.
Najbolš hramadzian Biełarusi pražyvaje:
- u Mazavieckim vajavodstvie — 54 tys.
- u Padlašskim — 14 tys.
- u Nižniesilezskim — 12 tys.
- dalej iduć: Pamorskaje (11,5 tys.), Vialikapolskaje (11 tys.), Małapolskaje (10 tys.)
U pieršym kvartale hetaha hoda ŭpraŭleńnie vydała hramadzianam Biełarusi 1 483 prajaznyja dakumienty (dokument podróży). Usiaho ž za 2020—2026 hady biełarusy atrymali 11 016 takich dakumientaŭ. Dla paraŭnańnia, usia Polšča za hety ž pieryjad vydała 12 663 dakumienty.
Dla hramadzian Biełarusi ŭ Polščy dziejničaje sproščany paradak atrymańnia hetaha prajaznoha dakumienta.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony3
Kamientary
A tiepieŕ vnimanije - vopros. A hdie tie śbiežavšije to li połmilliona to li million? Oni v Hiermanii? V Ispanii? V Kanadie? V Narnii? V stranie nievierojatnych fantazij?