Skončyŭ žyćcio samahubstvam chłopiec z Maładziečna, jaki pierad viasiellem zrabiŭ svajoj niavieście tatuiroŭku, ad čaho jana pamierła
Jaje śmierć nastupiła ŭ vyniku sepsisu. Rana na ruce ad tatu nie była pramoj pryčynaj śmierci, ale stała ŭvachodnymi varotami dla infiekcyi.
Chłopiec i dziaŭčyna vyrašyli pažanicca. Saša ŭžo vybrała sabie viasielnuju sukienku z adkrytymi plačyma i płanavała ŭpryhožyć vobraz tatuiroŭkaj na pieradpleččy. Budučy muž zajmaŭsia tatu. Dośvied u maładoha čałavieka na toj momant užo byŭ niemały — kala šaści hadoŭ, nahadvaje «Minskaja praŭda».
U jaho kvatery było abstalavana śpiecyjalnaje miesca dla žadajučych: ustanoŭleny miedycynskaja kušetka, tatu-chołdar, stełaž dla instrumientaŭ, stoł, kresła, aśviatlalnyja lampy. Miedycynskaj adukacyi ŭ chłopca nie było.
Za 11 dzion da viasiella žanich z dapamohaj tatu-mašynki nanios dziaŭčynie malunak na levaje pieradplečča. Praces zaniaŭ kala hadziny. Paśla pracedury ranu apracavali antysieptykam, nanieśli maź, nakryli pialonkaj i zabintavali.
Na nastupny dzień ranu pravieryli i znoŭ apracavali — usio vyhladała narmalna. Ale ŭžo praź dzień Sašy stała drenna: jana nie zmahła adpracavać źmienu, padniałasia tempieratura amal da 40°C.
Da ranicy stan krychu palepšyŭsia, ale słabaść zachoŭvałasia. Jana kašlała, amal nie ŭstavała, ničoha nie jeła. Nočču pačalisia vanity, potym — strata prytomnaści, dyjareja, sutarhi.
Chłopiec vyklikaŭ chutkuju. Dziaŭčynu terminova dastavili ŭ balnicu.
Praz amal sutki jana pamierła. Daktary zrabili ŭsio mahčymaje, ale dapamoha była zapoźnienaja.
Śmierć nastupiła ŭ vyniku hienieralizavanaha zapalenčaha pracesu ŭ arhaniźmie (sepsisu), jaki pryvioŭ da niedastatkovaści ŭnutranych orhanaŭ. Rana na ruce ad tatu nie była pramoj pryčynaj śmierci, ale stała ŭvachodnymi varotami dla infiekcyi.
Dziejańni maładoha čałavieka kvalifikavali jak pryčynieńnie śmierci ź nieaściarožnaści. Śledstva paličyła, što jon moh pradbačyć niebiaśpieku. Adnak da suda jon nie dažyŭ — skončyŭ žyćcio samahubstvam, nie pakinuŭšy zapiski.
Kryminalnaja sprava była spyniena ŭ suviazi sa śmierciu padazravanaha.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary