Скончыў жыццё самагубствам хлопец з Маладзечна, які перад вяселлем зрабіў сваёй нявесце татуіроўку, ад чаго яна памерла
Яе смерць наступіла ў выніку сэпсісу. Рана на руцэ ад тату не была прамой прычынай смерці, але стала ўваходнымі варотамі для інфекцыі.
Хлопец і дзяўчына вырашылі пажаніцца. Саша ўжо выбрала сабе вясельную сукенку з адкрытымі плячыма і планавала ўпрыгожыць вобраз татуіроўкай на перадплеччы. Будучы муж займаўся тату. Досвед у маладога чалавека на той момант ужо быў немалы — каля шасці гадоў, нагадвае «Мінская праўда».
У яго кватэры было абсталявана спецыяльнае месца для жадаючых: устаноўлены медыцынская кушэтка, тату-холдар, стэлаж для інструментаў, стол, крэсла, асвятляльныя лямпы. Медыцынскай адукацыі ў хлопца не было.
За 11 дзён да вяселля жаніх з дапамогай тату-машынкі нанёс дзяўчыне малюнак на левае перадплечча. Працэс заняў каля гадзіны. Пасля працэдуры рану апрацавалі антысептыкам, нанеслі мазь, накрылі пялёнкай і забінтавалі.
На наступны дзень рану праверылі і зноў апрацавалі — усё выглядала нармальна. Але ўжо праз дзень Сашы стала дрэнна: яна не змагла адпрацаваць змену, паднялася тэмпература амаль да 40°C.
Да раніцы стан крыху палепшыўся, але слабасць захоўвалася. Яна кашляла, амаль не ўставала, нічога не ела. Ноччу пачаліся ваніты, потым — страта прытомнасці, дыярэя, сутаргі.
Хлопец выклікаў хуткую. Дзяўчыну тэрмінова даставілі ў бальніцу.
Праз амаль суткі яна памерла. Дактары зрабілі ўсё магчымае, але дапамога была запозненая.
Смерць наступіла ў выніку генералізаванага запаленчага працэсу ў арганізме (сэпсісу), які прывёў да недастатковасці ўнутраных органаў. Рана на руцэ ад тату не была прамой прычынай смерці, але стала ўваходнымі варотамі для інфекцыі.
Дзеянні маладога чалавека кваліфікавалі як прычыненне смерці з неасцярожнасці. Следства палічыла, што ён мог прадбачыць небяспеку. Аднак да суда ён не дажыў — скончыў жыццё самагубствам, не пакінуўшы запіскі.
Крымінальная справа была спынена ў сувязі са смерцю падазраванага.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях19
Каментары