U Vilni stvorać dziciačyja sadki, kudy možna budzie addavać dziaciej uzrostam da hoda. Kab žančyna mahła vyrašyć svaje spravy
«Mahčyma, muž za miažoj, a žančyna zastajecca ź siamimiesiačnym małym na rukach. U jaje budzie mahčymaść na paru hadzin pryvieźci niemaŭla ŭ takuju hrupu i za hety čas vyrašyć bytavyja abo biurakratyčnyja pytańni», — kaža vice-mer.
Z 1 vieraśnia piać dziciačych sadkoŭ u stalicy Litvy, u jakich jość jasielnyja hrupy, buduć prymać dziaciej da adnaho hoda. Vice-mer stalicy Donalda Miejželicie zajaviła, što tak chočuć stvaryć bolš spryjalnyja ŭmovy dla siemjaŭ, kab baćki mahli sumiaščać pracu z asabistymi abaviazkami, piša Delfi.lt.
«Heta vialikaja dapamoha baćkam (…). Mahčyma, muž za miažoj, a žančyna zastajecca ź siamimiesiačnym małym na rukach. U jaje budzie mahčymaść na paru hadzin pryvieźci niemaŭla ŭ takuju hrupu i za hety čas vyrašyć bytavyja abo biurakratyčnyja pytańni (…)», — skazała vice-mer.
Pavodle pradstaŭnikoŭ Vilenskaha municypaliteta, takija hrupy źjaviacca tolki ŭ tych dziciačych sadkach, dzie jość nieabchodnaja infrastruktura.
«Z-za demahrafičnych źmien u Litvie ŭ niekatorych dziciačych sadkach źjaviłasia mahčymaść płanavać vykarystańnie pamiaškańniaŭ», — adznačaje administracyja municypaliteta.
Paviedamlajecca, što takija hrupy adkryjucca ŭ dziciačych sadkach-jaślach spalnych rajonaŭ Voŭčaja Łapa, Šaškinia, Karaliniški, Laščyńniki i Žyrmuny: Aušrelė, Papartis, Prie pasakų parko, Rytas, Rūta.
-
Cichanoŭskaja zaklikała Estoniju pravodzić roźnicu pamiž biełarusami i rasijanami
-
Anžalicy Mielnikavaj vydali pašpart prykryćcia na imia Anhieliny Radzivonavaj?
-
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ
Kamientary