Па дарозе да сябра раптоўна памёр 41‑гадовы герой Расіі з ампутаванымі нагамі
Якут Аляксей «Мядзведзь» Пятроў ездзіў ваяваць за 5000 км ад дома і вярнуўся на інвалідным вазку.
У Якуціі памёр 41‑гадовы герой Расіі Аляксей Пятроў з пазыўным «Мядзведзя». Паводле папярэдніх звестак, яму стала дрэнна па дарозе да сябра — маўляў, выклікалі хуткую, але тыя ўратаваць якута не змаглі.
Украінскія суполкі пашыраюць інфармацыю пра тое, што яго смерць — украінская спецаперацыя і што «Мядзведзя» нібыта задушылі, але пацвярджэння гэтаму пакуль няма.
У чэрвені 2024 года якут Аляксей Пятроў запісаўся на вайну за 5000 кіламетраў ад свайго дома. Падчас баёў ва Украіне ён застаўся без абедзвюх ног, затое атрымаў званне героя Расіі — у ліпені 2025 года.
«Яфрэйтар Пятроў штурмаваў варожыя пазіцыі, браў удзел у захопе населеных пунктаў, асабіста знішчыў некалькі кулямётных агнявых пунктаў, дзясяткі байцоў і адзінак тэхнікі», — гаворыцца ў некралогу.
Паколькі ён памёр дома, то яго родныя не атрымаюць вайсковых пасмяротных выплат. Калі б загінуў на фронце, то выплацілі б да $200 тысяч. Так што сям'і Пятрова будуць плаціць штомесяц па $1300 на ўсіх — толькі за яго статус героя.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары