Fond zapuściŭ zbor u padtrymku dziaciej biełaruskich palitviaźniaŭ, prymierkavany da Dnia abarony dziaciej i pačatku letnich vakacyjaŭ.
Pieršapačatkovaja meta zboru składaje 10 tysiačaŭ jeŭra, ale moža źmianiacca z uvahi na toje, kolki zajavak na dapamohu budzie atrymana.
Na kožnaje dzicia da 16 hadoŭ budzie vypłačana pa 100 jeŭra. Zajaŭki na atrymańnie dapamohi buduć prymacca da 31 maja ŭklučna. Zajaŭki prymajucca ad baćkoŭ, jakija znachodziacca jak u Biełarusi, tak i za miažoj.
Zazvyčaj hetyja hrošy iduć na pakupku letniaj vopratki, apłatu dadatkovych zaniatkaŭ, psichałahičnuju dapamohu i arhanizacyju adpačynku. Letaś nam udałosia sabrać srodki dla 252 dziaciej.
Chto moža padać zajaŭku na atrymańnie dapamohi?
— Siemji palitviaźniaŭ ź dziećmi, u jakich adzin z baćkoŭ abo abodva znachodziacca ŭ źniavoleńni nie mienš za try miesiacy (u tym liku, na «chimii» z nakiravańniem abo biez);
— byłyja palitviaźni ź dziećmi, jakija vyzvalilisia paśla 1 studzienia 2024 hoda;
— baćki, jakija adbyvajuć «chatniuju chimiju» — pry hetym majuć invalidnaść, albo źjaŭlajucca piensijanierami, albo vychoŭvajuć dziaciej da troch hadoŭ.
Padtrymlivajučy hety zbor, my pakazvajem, što adkaznaść i salidarnaść macniejšyja za strach i abyjakavaść. Leta pavinna zastavacca časam dziacinstva — i razam my možam zrabić tak, kab u hetych dziaciej jano było bolš radasnym.
Ciapier čytajuć
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku27
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1414
Kamientary