U Pieciarburhu pradprymalnik z nažom prabraŭsia ŭ Ermitaž i ź impieratarskaha kresła źviarnuŭsia da Pucina
Biznesoviec raskazaŭ pra darahija kredyty, chabarnictva čynoŭnikaŭ i zaklikaŭ prezidenta razabracca ŭ zakonnaści taho, što adbyvajecca.
Zbankrutavały pradprymalnik ź Leninhradskaj vobłaść dniom 17 maja pranik z nažom u budynak Ermitaž u Sankt-Pieciarburhu i, uźlezšy na Vialiki impieratarski tron u Hieorhijeŭskaj zale, pačaŭ začytvać zvarot da Uładzimira Pucina, piša «Fantanka».
Biznesoviec raskazaŭ pra darahija kredyty, chabarnictva čynoŭnikaŭ i zaklikaŭ prezidenta razabracca ŭ zakonnaści» taho, što adbyvajecca, bo «drobiaziaŭ nie byvaje».
Kali supracoŭnik Ermitaža pasprabavaŭ supakoić mužčynu, toj schapiŭsia za nož, jaki pranios u muziej u bocie. Supracoŭniki Rashvardyja vyvieli naviedvalnikaŭ z zały i zatrymali biznesmiena.
«Pry zatrymańni mužčyna sprabavaŭ akazać aktyŭnaje supraciŭleńnie naradu», — paviedamili ŭ pres-słužbie Rashvardyja, dadaŭšy, što mužčynu dastavili ŭ adździaleńnie palicyi.
Jak vyśvietliła «Fantanka», zatrymanym akazaŭsia 45‑hadovy Alaksandr ź vioski Harbunki. U pradprymalnika było jak minimum čatyry biznes-prajekty. Dva hady tamu jon zarehistravaŭ kampaniju pa raspracoŭcy prahramnaha zabieśpiačeńnia. Pa vynikach 2025 hoda arhanizacyja atrymała straty. Jašče dźvie kampanii biznesmiena byli likvidavanyja pa rašeńni Fiederalnaj padatkavaj słužby, a čaćviortaja apošnim časam nie padavała prykmiet dziejnaści.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar19
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku33
Kamientary