Sabalenka pachvaliłasia akredytacyjaj na «Rałan Haros» dla svajho sabaki
Biełaruskaj tenisistcy, pieršaj rakietcy śvietu Arynie Sabalency pierad pačatkam turniru Vialikaha šlemu «Rałan Haros» u Paryžy. arhanizatary vydali aficyjnuju akredytacyju nie tolki dla samoj spartsmienki, ale i dla jaje sabaki pa mianušcy Eš. Heta sapraŭdny bejdž z fotazdymkam, jak u ŭdzielnikaŭ turniru.
Sabalenka vielmi emacyjna adreahavała na taki žest — pavodle jaje reakcyi, padarunak paradavaŭ jaje navat macniej, čym niekatoryja pieramohi na korcie.
Viadoma, što jana časta padarožničaje razam sa svaim spanielem, biare jaho na treniroŭki i pravodzić ź im šmat času. Niadaŭna tenisistka navat ładziła fotasiesiju z sabakam na fonie viadomych miescaŭ Paryža.
«Rałan Haros» pačniecca ŭ Paryžy praz tydzień, 25 maja. Pakul što ŭ spartyŭnaj karjery Aryny Sabalenki pieramoh na im nie było.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary