Biełarusy za paŭhoda praz znoŭ adkrytyja pierachody Polščy pravieźli tavaraŭ na $17 miljonaŭ, i heta tolki praz Tax Free
Ale z-za sankcyj viazuć zusim nie toje, što raniej.
Za pieršyja šeść miesiacaŭ paśla adnaŭleńnia pracy pamiežnych punktaŭ «Kuźnica» («Bruzhi») i «Babroŭniki» («Bierastavica») hranicu pierasiekli bolš za paŭmiljona čałaviek, adnak charaktar i abjomy pakupak biełarusaŭ istotna źmianilisia.
Jak paviedamlaje mytnia Padlašskaha vajavodstva, za hetaje paŭhodździe biełarusy zarehistravali 68 tysiač dakumientaŭ Tax Free na ahulnuju sumu 62 miljony złotych (kala 17 miljonaŭ dołaraŭ).
Niahledziačy na vialikija ličby, šopinh-turysty ŭžo nie robiać takich bujnych i darahich pakupak, jak u minułyja hady. Pryčynaj tamu stali sankcyi ES suprać hramadzian Biełarusi i Rasii: ciapier praz polska-biełaruskuju hranicu zabaroniena vyvozić vielizarny pieralik tavaraŭ, što raniej karystalisia popytam.
Tak užo nielha vieźci elektroniku (smartfony, televizary, kampjutary); budaŭničyja materyjały; bytavuju chimiju (naprykład, pralnyja paraški) i inš.
Ciapier našy suajčyńniki pieraklučylisia na bazavyja pradukty i drobnyja pobytavyja rečy. Čaściej za ŭsio ŭ dakumientach Tax Free fihurujuć kava i harbata; adzieńnie i cacki; drobnaja bytavaja technika i aksiesuary (brytvy, miaški dla pyłasosaŭ i h.d.).
Punkty propusku «Babroŭniki» i «Kuźnica» byli zakrytyja na praciahu niekalkich hadoŭ. Polski bok pryniaŭ rašeńnie adkryć ich 17 listapada minułaha hoda, kab ažyvić ekanomiku pryhraničnaha Padlašskaha rehijona, jaki mocna pakutavaŭ biez turystaŭ. Ruch na hranicy raście, ale ŭ polskaha boku byli čakańni bolšaha finansavaha vyniku.
-
Biełarusku z ZŠA z praterminavanym pašpartam adviali na miažy ŭ padvał i pravieryli telefon. Biełaruskich pamiežnikaŭ jana paraŭnała z aniołami
-
U «Minsktransie» patłumačyli, čamu prajezd u stalicy dahetul nielha apłacić bankaŭskaj kartaj
-
Dačka eks-kandydata ŭ prezidenty Biełarusi vyjhrała čempijanat Rasii
Kamientary