I nazvała masiravanuju ataku adkazam za «terarystyčnyja ŭdary Ukrainy».
Ministerstva abarony Rasii aficyjna zajaviła, što načny masiravany ŭdar pa Ukrainie byŭ naniesieny z prymianieńniem rakietnaha kompleksu «Arešnik», a taksama rakiet «Iskander», «Kinžał» i «Cyrkon».
Rasijskaje viedamstva zajaviła, što cellu byli «abjekty vajskovaha kiravańnia», a sama ataka stała adkazam na «terarystyčnyja ŭdary Ukrainy pa cyvilnych abjektach na terytoryi RF».
«Celi ŭdaru dasiahnuty, usie pryznačanyja abjekty paražony», — havorycca ŭ paviedamleńni.
Heta ŭžo treci vypadak prymianieńnia Rasijaj rakietnaha kompleksu «Arešnik». Raniej RF udaryła ŭ listapadzie 2024 hoda pa zavodzie «Južmaš», u studzieni 2026 hoda — pa Lvovie.
Pavodle infarmacyi ŭkrainskaha boku, usiaho padčas hetaj načnoj ataki Rasija vykarystała 90 rakiet (u tym liku 36 balistyčnych) i 600 bieśpiłotnikaŭ, a asnoŭnym kirunkam byŭ Kijeŭ.
Prezident Ukrainy Uładzimir Zialenski žorstka adreahavaŭ na abstreł, nazvaŭšy rasijskaje kiraŭnictva «nieadekvatami», jakija rakietami «pieramahajuć žyłyja damy», paškodziŭšy škoły, rynak i abjekt vodazabieśpiačeńnia.
Pakul viadoma pra niekalki zahinułych, kala sotni paranienych.
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary
[Zredahavana]