І назвала масіраваную атаку адказам за «тэрарыстычныя ўдары Украіны».
Міністэрства абароны Расіі афіцыйна заявіла, што начны масіраваны ўдар па Украіне быў нанесены з прымяненнем ракетнага комплексу «Арэшнік», а таксама ракет «Іскандэр», «Кінжал» і «Цыркон».
Расійскае ведамства заявіла, што цэллю былі «аб'екты вайсковага кіравання», а сама атака стала адказам на «тэрарыстычныя ўдары Украіны па цывільных аб'ектах на тэрыторыі РФ».
«Цэлі ўдару дасягнуты, усе прызначаныя аб’екты паражоны», — гаворыцца ў паведамленні.
Гэта ўжо трэці выпадак прымянення Расіяй ракетнага комплексу «Арэшнік». Раней РФ ударыла ў лістападзе 2024 года па заводзе «Южмаш», у студзені 2026 года — па Львове.
Паводле інфармацыі ўкраінскага боку, усяго падчас гэтай начной атакі Расія выкарыстала 90 ракет (у тым ліку 36 балістычных) і 600 беспілотнікаў, а асноўным кірункам быў Кіеў.
Прэзідэнт Украіны Уладзімір Зяленскі жорстка адрэагаваў на абстрэл, назваўшы расійскае кіраўніцтва «неадэкватамі», якія ракетамі «перамагаюць жылыя дамы», пашкодзіўшы школы, рынак і аб'ект водазабеспячэння.
Пакуль вядома пра некалькі загінулых, каля сотні параненых.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна10
Каментары
[Зрэдагавана]