Rasijanie masiravana atakavali Kijeŭ i vobłaść, u tym liku «Arešnikam» i dziasiatkami rakiet
U noč na 24 maja Rasija ździejśniła maštabny abstreł Kijeva i vobłaści — atakavali dronami, rakietami, ukraincy paviedamlajuć, što ŭ tym liku «Arešnikam». Udary vyklikali šmatlikija pažary, razbureńni žyłych damoŭ, cyvilnaj infrastruktury.
Ataka zakranuła praktyčna ŭsie rajony stalicy Ukrainy. Na hety momant viadoma pra adnaho zahinułaha, šmat paranienych. Kolkaść achviar budzie raści pa miery razboru ruin.
Šaŭčenkaŭski rajon. Adzin z najbolš paciarpiełych rajonaŭ. Tut całkam razburany padjezd 5-paviarchoŭki, pažar achapiŭ usie pavierchi. U adnym z 9‑paviarchovikaŭ zafiksavana papadańnie pamiž 8 i 9 pavierchami — mienavita tam papiarednie zahinuŭ čałaviek. Taksama hareli škoła, biznes-centr, rynak i budynak muzieja Hałoŭnaha ŭpraŭleńnia DSNS.
Abałonski rajon ratavalniki tušać pažar u 16‑paviarchovym chmaračosie na ŭzroŭni 12—13 pavierchaŭ. Taksama haryć budaŭničy hipiermarkiet i jašče adzin žyły dom.
Darnicki rajon. Zahareŭsia dach dvuchpaviarchovaha internata.
Dziaśnianski rajon. Paškodžany handlovy centr i supiermarkiet, boksy ŭ haražnym kaapieratyvie.
Sałamianski rajon. Na ŭzroŭni 23 paviercha 24‑paviarchovaha doma zafiksavany razbureńni kanstrukcyj i nievialiki pažar. Taksama atakavany składy ŭ pramzonie.
Piačerski rajon. Pažar uspychnuŭ na 13 paviersie 20‑paviarchovaj novabudoŭli.
Dniproŭski i Śviatošynski rajony. Paškodžany pryvatny dom, haražy i žyły 9-paviarchovik.
U Kijeŭskaj vobłaści abłomki rakiet i BPŁA vyklikali pažary i razbureńni ŭ šaści rajonach.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary
800 hadoú .
arda mamaja palić Ruś .
chto jašče maje iluzii nakont ardy ?