Zaŭtra na knižnym kirmašy ŭ Varšavie buduć sustrečy ź Fiadutam i Babarykam
U niadzielu, 31 maja, budzie zaklučny dzień sioletniaha Mižnarodnaha knižnaha kirmaša ŭ Varšavie, padčas jakoha zapłanavanyja niekalki cikavych biełaruskich mierapryjemstvaŭ. Siarod inšaha zapłanavanyja sustrečy z byłymi palitviaźniami, litaraturaznaŭcam Alaksandram Fiadutam i byłym bankiram dy palitykam Viktaram Babarykam.
Sustreča ź litaraturaznaŭcam, palitołaham i aŭtaram knihi «Leksikon «Kałasoŭ pad siarpom tvaim» Alaksandram Fiadutam, napisanaj u śledčym izalatary KDB, budzie pryśviečanaja nie tolki biełaruskaj litaratury, ale i dośviedu źniavoleńnia, losu intelektuała va ŭmovach aŭtarytaryzmu i kultury jak prastory ŭnutranaj svabody.
Jana adbudziecca ŭ 12:00 (Forum B).
Praz hadzinu, u 13:00, tam ža zapłanavanaja «Nasupierak turmie» — sustreča vakoł knihi Sabiny Bryło «Sprava Viktara Babaryki».
Sustreča budzie pryśviečanaja historyi kandydata ŭ prezidenty Biełarusi na vybarach 2020 hoda, miecenata kultury i byłoha palitviaźnia. Razmova zakranie padziei 2020 hoda, miechanizmy palityčnaha pieraśledu i ŭnutranuju stojkaść čałavieka va ŭmovach turmy i represij.
Paśla taho na 14:00 na biełaruskim stendzie kirmaša (Salon «Wolna Białoruś» — stend 11/D5) zapłanavanaja aŭtohraf-siesija Viktara Babaryki.
Akramia taho, u hety dzień na biełaruskim stendzie projduć jašče try prezientacyi knih:
13.00. «Noradrenalin», Jaŭhien Anaškin (Gutenberg).
15.00. «Imiony Svabody. Častka 1», Uładzimir Arłoŭ (Kamunikat).
16.00 «Viačera z čužym kachankam», Valancina Aksak (Kamunikat).
35 maładych biełarusaŭ i biełarusak, za jakimi varta sačyć: apublikavany pieršy śpis Next 3524
Kamientary