I ŭžo pačaŭ vyzvalać prezidencki ofis.
Alaksandr Vučyč u intervju «Radyjo Białhrad» vykazaŭ mierkavańnie, što pakinie svaju pasadu praz «try-čatyry miesiacy», a mahčyma, i raniej. Prezident Sierbii adznačyŭ, što ŭžo pačaŭ pastupova vyzvalać svoj ofis.
«Ja pačaŭ źbirać svaje knihi ŭ prezidenckaj kancylaryi. Ja spytaŭ u svaich siabroŭ, chto moža pryniać 500 knih. Ja pieradam u dar 1200 knih, jakija atrymaŭ za čas svajho znachodžańnia na pasadzie, niejkaj ustanovie, tolki jašče dumaju jakoj mienavita», — skazaŭ jon.
Vučyč taksama pryznaŭsia, što razhladaje mahčymaść vyłučeńnia na pasadu premjer-ministra, a taksama šukaje hodnaha pierajemnika na prezidenckuju pasadu ad dziejnaj ułady.
Budučaha kandydata ŭ prezidenty jon acharaktaryzavaŭ jak «adkaznaha, adukavanaha i enierhičnaha čałavieka, jaki viedaje, što takoje dziaržava i jak jana funkcyjanuje».
Vučyč zajmaje pasadu prezidenta Sierbii ź lipienia 2017 hoda, jaho druhi termin skančajecca praz hod.
Kamientary