Ministerstva ŭnutranych spraŭ Litvy paviedamiła, što Rasija moža płanavać pravakacyi suprać abjektaŭ u krainach Bałtyi. U adkaz na heta, pavodle viedamstva, byli pryniaty dadatkovyja miery pa ŭzmacnieńni abarony klučavych abjektaŭ krytyčnaj infrastruktury, piša Delfi.
Apošnim časam Rasija raspaŭsiudžvaje nieabhruntavanyja śćviardžeńni pra toje, što krainy Bałtyi dazvalajuć inšym dziaržavam vykarystoŭvać svaju pavietranuju prastoru abo terytoryju dla dziejańniaŭ suprać Rasii.
«Hetaja praciahłaja rytoryka eskałacyi nakiravana na toje, kab adciahnuć uvahu ad niaŭdač na froncie i padarvać rašučaść sajuźnikaŭ Ukrainy praciahvać akazvać joj padtrymku», — havorycca ŭ zajavie ministerstva.
MUS adznačaje, što z ulikam hetaha nielha vyklučać vierahodnaść taho, što Rasija moža płanavać pravakacyi suprać abjektaŭ u krainach Bałtyi.
«Nielha vyklučać, što dla ŭzmacnieńnia napružanaści ŭ rehijonie Rasija moža płanavać złamysnyja dziejańni abo pravakacyi suprać abjektaŭ u krainach Bałtyi. My ŭvažliva sočym za situacyjaj, uzmacniajem našu hatoŭnaść i abaronu abjektaŭ krytyčnaj infrastruktury», — zajaviŭ Uładzisłaŭ Kandratovič.
MUS i Słužba hramadskaj biaśpieki Litvy pryniali dadatkovyja miery pa ŭzmacnieńni abarony najvažniejšych abjektaŭ krytyčnaj infrastruktury i pašyryli śfieru dziejańnia mier pa zabieśpiačeńni ŭstojlivaści krytyčnaj infrastruktury.
Uzmocnienuju fizičnuju achovu hetych abjektaŭ buduć zabiaśpiečvać siły Słužby hramadskaj biaśpieki, a pry nieabchodnaści dapamohu akaža Uzbrojenyja siły Litvy.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień10
Kamientary