Pahladzicie, jak kruta pierarabili stalinku kala centra Minska
Hety dom znachodzicca ŭ rajonie Akademii navuk, za šumnym praśpiektam. Śviežy ramont u ciopłym bežavym kolery z trendavym azdableńniem pieratvaryŭ stalinku ŭ sučasnaje žyllo z trochmietrovymi stolami i ŭ zajzdrosnaj łakacyi. Realt prapanuje acanić ramont i košt.
Čatyrochpaviarchovy dom na Surhanava, 20 byŭ pabudavany ŭ 1957 hodzie. Na trecim paviersie vystaŭlena na prodaž kvatera-stalinka ŭ sučasnym pračytańni. Jaje płošča — 60 kvadratnych mietraŭ. Raniej tut byli dva pakoi, ciapier — jeŭradvuška, dzie bolš za 7 kvadrataŭ vydzielena pad kuchniu.
Kapramont prajšoŭ u domie ŭ 2014 hodzie, a ŭ kvatery zaviaršyli abnaŭleńnie niadaŭna. Na padłozie ŭkładzieny kieramahranit, ścieny pafarbavanyja, upryhožanyja dekaratyŭnymi elemientami, realizavana niekalki scenaryjaŭ śviatła.
Žyllo ŭkamplektavana novaj bytavoj technikaj. U zonie kuchni staić p-padobny harnitur z pracoŭnaj zonaj kala akna i vostravam, dzie ŭstalavanyja varačnaja panel i vyciažka.
Haścioŭnia atrymałasia prastornaj. Tut staić kanapa, nasuprać raźmiaściłasia televizijnaja zona. Adsiul taksama jość vychad na adkryty bałkon.
U izalavanym pakoi ŭładkavana spalnia z paŭnavartasnym łožkam i šafaj.
Sanvuzieł uražvaje. Jon sumieščany. Tut taksama ŭstalavany pralnaja i sušylnaja mašyny, jość duš.
U kalidory la ŭvachoda zroblena šafa dla vierchniaha adzieńnia.
Dom znachodzicca ŭ piaci chvilinach chadźby ad stancyi mietro «Akademija navuk». Za niekalki prypynkaŭ — handlovyja centry i Kamaroŭski rynak.
Prosiać za žyllo 741 tysiaču rubloŭ (heta 267 287 dołaraŭ pa kursie NB RB na 16 červienia). Cana adnaho mietra składaje 12 350 rubloŭ (4 455 dołaraŭ pa kursie NB RB na 16 červienia).
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
Nu i membla na metalovych nožkach :). A taksama zdorava pasmažyć na toj kuchni kapusty ))