Adkryty pieradzakaz na knihu Kaciaryny Oaro «U vas taki miły akcent» u pierakładzie na biełaruskuju movu
Heta tvor pra toje, jak pakidać adno žyćcio i ŭbudoŭvacca ŭ druhoje, ale pry razam z tym zastavacca saboju pobač ź Inšym, piša bellit.info.
Jość vyrazy, jakija ŭ čužoj krainie čuješ čaściej za inšyja — i «U vas taki miły akcent» adzin ź ich. Spačatku ŭ im čuješ cikaŭnaść i ciepłyniu, a potym razumieješ: heta vietlivy sposab skazać «vy adkul?», «vy nie adna z nas».
Kaciaryna Oaro, piśmieńnica ź Biełarusi i aŭtarka knih «Saročaje radyjo» i «Dieržiś i piši», sabrała knihu pra toje, jak heta — pakidać adno žyćcio i ŭbudoŭvacca ŭ druhoje. Hetyja natatki viazuć čytačku pa krainach i epochach, ale hałoŭnaje padarožža adbyvajecca ŭnutr siabie.
Tut niama pramoha siužetu: historyi sčepleny nie chranałohijaj, a pamiaćciu i asacyjacyjami — to francuzski Lil, to italjanski Turyn, to Biełaruś, to znoŭ Francyja. Palicyjanty z aŭtamatami ŭ mietro, jakich nie varta bajacca. Sabaka, jakoha ceły horad vyvodzić z raki na śviatło telefonnych lichtarykaŭ. Italjaniec, jaki kaža: «Ty pryjechała ŭ hości i raskryła serca».
«Častkova heta kniha pra emihracyju. Ale pa-sapraŭdnamu — pra dom, jaki my budujem sami, zvonku i ŭsiaredzinie. Pra toje, jak zastavacca saboju siarod ludziej, čyje zvyčki, pierakanańni i kaštoŭnaści nie supadajuć z tvaimi. Ź Inšym my sustrakajemsia nie tolki na miažy dziaržaŭ: dastatkova pamianiać horad, pracu, koła siabroŭ ci siamiejny status.
Tut budzie i śmiešna, i sumna — časam u adnym abzacy, z toj ciopłaj samaironijaj, jakaja dazvalaje abniać siabie za plečy i skazać: usio budzie dobra», — abiacajuć u vydaviectvie.
Da 12 lipienia možna zrabić papiaredniuju zamovu knihi na sajcie bukinistka.store.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie4
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary