Kožny čaćviorty niemiec vieryć u isnavańnie djabła, čarciej, demanaŭ i apantanaści
Pra heta śviedčać vyniki apytańnia, praviedzienaha instytutam YouGov pa zamovie ahienctva KNA, piša telehram-kanał «Što tam u niemcaŭ».
8% respandentaŭ zajavili, što «biezumoŭna» vierać u isnavańnie takich istot i źjaŭ, jašče 15 % adkazali, što «chutčej za ŭsio» dapuskajuć ich isnavańnie. U tym, što djabła, demanaŭ i apantanaści nie isnuje, pierakananyja 42 % apytanych, jašče 23 % ličać, što ŭsiaho hetaha «chutčej za ŭsio» niama.
Dumajecie, takaja viera ŭ zvyšnaturalnaje najbolš raspaŭsiudžanaja siarod starejšaha pakaleńnia? Nasamreč usio naadvarot! Ludzi va ŭzroście ad 18 da 34 hadoŭ čaściej za inšych pryznavalisia, što vierać u djabła (34—35 %). Najnižejšy ŭzrovień takoj viery byŭ zafiksavany siarod tych, kamu bolš za 55 hadoŭ (18 %).
U reprezientatyŭnym apytańni pryniali ŭdzieł 2525 žycharoŭ Hiermanii.
Niekalki hadoŭ tamu vyjšła daśledavańnie Moniki Błek «Ziamla, apantanaja demanami. Viedźmy, calicieli i pryvidy minułaha ŭ pavajennaj Hiermanii» pra toje, jak paśla Druhoj suśvietnaj u Hiermanii bolšaść stała vieryć u demanaŭ i pryvidaŭ, čaraŭnictva. Kniha vielmi cikavaja, u tym liku i z hledzišča masavaj psichałohii, a to i psichozu. Nie vyklučana, što ludzi chacieli tak pieražyć traŭmy, naniesienyja Druhoj suśvietnaj.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary