Paramount Pictures nabyła pravy na ekranizacyju aryhinału «Kašmaru na vulicy Viazaŭ» i płanuje vypuścić novy poŭnamietražny film
Kultavy film siaredziny 1980-ch, paśla prahladu jakoha było strašna iści spać.
Paramount Pictures nabyła pravy na ekranizacyju aryhinalnaha scenaru «Kašmaru na vulicy Viazaŭ» režysiora Uesa Krejviena i płanuje vypuścić novy poŭnamietražny film, paviedamlaje Hollywood Reporter.
Nad novaj viersijaj kultavaha choraru pracuje žanravaje padraździaleńnie Paramount Primal, jakim kirujuć pradziusary Džej Dy Lifšyc i Rafael Marhules.
Pravy na pakaz u ZŠA byli nabyty ŭ spadčyńnikaŭ Krejviena — jaho ŭdavy Ii Łabunki i syna Džonatana, jakija stanuć pradziusarami razam z Markam Tabierafam.
Aryhinalny film «Kašmar na vulicy Viazaŭ» raspaviadaje pra Fredzi Kruhiera — mańjaka, jaki zabivaje padletkaŭ u śnie. Pry hetym, kali čałaviek pamiraje ŭ śnie, jon hinie i ŭ realnym žyćci.
Hałoŭnaja hierainia filma Nensi daviedvajecca, što jaje baćki, a taksama baćki inšych dziaciej z haradka, kaliści spalili Fredzi žyŭcom za zabojstvy dziaciej. Ciapier jaho duch pomścić im praź ich dziaciej.
Kab vyratavacca, Nensi vučycca vykarystoŭvać siłu snoŭ u realnym śviecie i pieramahaje pačvaru. Adnak u finale vyśviatlajecca, što Kruhier zastaŭsia žyvy, i kašmar praciahvajecca.
Fredzi syhraŭ Robiert Inhłund, Nensi — Chiezer Łehienkemp, u filmie navat źjaviŭsia Džoni Dep.
Kamientary