Zialenski prapanavaŭ Siarhieja Kareckaha na pasadu premjera Ukrainy

Prezident Ukrainy Uładzimir Zialenski ŭ ramkach inicyjatyvy pa źmianieńni składu ŭrada ŭnios u Viarchoŭnuju Radu aficyjnuju. prpapanovu ab pryznačeńni Siarhieja Kareckaha na pasadu premjer-ministra Ukrainy. Pra heta paviedamiŭ staršynia Viarchoŭnaj Rady Rusłan Stefančuk, piša UNIAN.

Stefančuk udakładniŭ, što parłamient razhledzić hetaje pradstaŭleńnie ŭ najbližejšy čas u adpaviednaści z ustanoŭlenaj praceduraj.

Raniej Zialenski zajaviŭ, što pa vynikach praviedzienych kansultacyj Siarhiej Karecki źjaŭlajecca najbolš prydatnym kandydatam na pasadu premjer-ministra. Pavodle słoŭ kiraŭnika dziaržavy, klučavym zadańniem novaha ŭrada pavinna stać padrychtoŭka krainy da zimovaha pieryjadu.

Karecki raniej nie zajmaŭ pasad va ŭradavych orhanach, choć kiravaŭ dziaržaŭnymi karparacyjami i enierhietyčnaj kampanijaj. Tam jon, nibyta, «paśpieŭ prajavić siabie jak paśpiachovy antykryzisny kiraŭnik».

Siarhiej Karecki naradziŭsia ŭ Łucku ŭ 1978 hodzie. Pieršyja surjoznyja pasady zajmaŭ u hrupie kampanij «Kantynium». Byŭ pamočnikam suŭładalnika kampanii i narodnaha deputata ad frakcyi «Za adzinuju Ukrainu» Ihara Jeramiejeva. U 2006 hodzie abodva byli ŭ śpisie kandydataŭ u parłamient ad «Narodnaha błoka Litvina», adnak Karecki zajmaŭ nieprachodnaje miesca ŭ kancy śpisu.

U 2013 hodzie jon pierajšoŭ na pasadu hienieralnaha dyrektara sietki AZS WOG, jakaja naležała «Kantyniumu».

U vialiki biźniees jon viarnuŭsia paśla taho, jak dziaržava nacyjanalizavała kampanii «Ukrnafta» i «Ukrtatnafta». Jon uznačaliŭ abiedźvie kampanii i, jak śćviardžajuć surazmoŭcy vydańnia, paśpiachova pracavaŭ na hetych pasadach

U pačatku 2025 hoda Karecki padaŭ svaju kandydaturu na pasadu kiraŭnika «Naftahaza» i pieramoh u konkursie. Pad jaho kiraŭnictvam kampanija, jakaja tolki što prajšła ciažki aciaplalny siezon 2024—2025 hadoŭ, pačała nazapašvać haz na nastupnuju zimu. Karecki taksama adkazvaŭ za pošuk kredytoraŭ dla hetaha.

Zialenski prapanoŭvaŭ jamu ŭznačalić Ministerstva enierhietyki ŭ razhar skandału vakoł spravy «Midas»,. Adnak Karecki admoviŭsia, pierakanaŭšy prezidenta, što jamu varta zastacca ŭ «Naftahazie» napiaredadni zimovaha siezona.

Ministerstva abarony pavinien uznačalić ministr unutranych spraŭ Ihar Klimienka, a MUS zamiest jaho — ciapierašni kiraŭnik Nacyjanalnaj palicyi Ivan Vyhoŭski.

• 0
• 0
• 0
• 0
• 0
• 0
• 0
• 0