U Aŭstralii ŭsie sočać za ciuleniem, jaki rehularna źniščaje darožnyja konusy. Navukoŭcy tłumačać, čamu

Kožny hod Nił viartajecca na plažy kala Chobarta — stalicy aŭstralijskaha štata Tasmanija. Jon naležyć da vidu paŭdniovych marskich słanoŭ (Mirounga leonina) — najbujniejšych ciuleniaŭ na płaniecie, jakija atrymali svaju nazvu dziakujučy vialikim pamieram i charakternamu «chabatku» ŭ samcoŭ. Mienavita tut Nił prachodzić siezonnuju lińku: pazbaŭlajecca staroj poŭści i vierchniaha słoja skury.

@neiltheseal316 Neil tried to head directly into the local petrol station in season 6, drawing huge crowds and forcing the Council to temporarily shut down the main road to keep people safe. Staff from the Marine Conservation Program had to act fast, using their official Toyota Land Cruiser to block his path. The service station owner even turned off the station's lights early, just in case the bright signs were attracting Neil ‍♂️ #neiltheseal #caltex #petrolpump ♬ original sound - Neil the Seal

Za apošni hod Nił prykmietna vyras. Jak piša Science Alert sa spasyłkaj na acenki Departamienta pryrodnych resursaŭ i navakolnaha asiarodździa Tasmanii, ciapier jon važyć kala adnoj tony. Kaliści maleńkaje dziciania było vyšynioj prykładna z darožny konus, a ciapier lohka jaho źniščaje. I robić heta rehularna.

@neiltheseal316 Niel “Somebody lives here mate” #somebodylivesheremate #sealife #sealover ♬ Neiltheseal - Neil the Seal

Niahledziačy na svaje pamiery, Nił davoli sprytna pieramiaščajecca pa navakolli. Za apošnija hady jaho nieadnarazova znachodzili śpiačym prosta na darozie, u pryvatnych dvarach, kala damoŭ i aŭtamabilaŭ. Kali niešta pryciahvaje jaho ŭvahu, jon lohka praciskajecca praz aharodžy i navat moža z razhonu ŭrezacca ŭ dźviery haspadarčych pabudoŭ.

@jaycee904 Neil's home #neiltheseal #season4 #welcomehome @Neil the Seal ♬ original sound - Jaycee

Asablivuju luboŭ Nił maje da darožnych konusaŭ. Kali ciuleń zasynaje ŭ hramadskich miescach, supracoŭniki aharodžvajuć jaho jarkimi płastykavymi znakami. Ale vielmi chutka jany akazvajucca pad jaho ciełam. Časam Nił kładzie na ich hałavu abo padsoŭvaje pad łasty.

@whitecatt000 Elephant seal Neil #fyp #tiktok #animals #cute #viral ♬ original sound - whitecatt01

Navukoŭcy kažuć, što ŭ hetym niama ničoha dziŭnaha. Padčas lińki marskija słany imknucca ciercisia ab roznyja pradmiety, kab chutčej pazbavicca staroj skury. Tamu konusy, aharodžy i inšyja pieraškody stanoviacca dla Niła svojeasablivymi časałkami.

Papularnaść ciulenia raście hetak ža chutka, jak i jon sam. Jahonaja aŭdytoryja ŭ TikTok užo dasiahnuła 1,7 miljona padpisčykaŭ, a pahladzieć na Niła ŭžyvuju pryjazdžajuć sotni ludziej.

@neiltheseal316 He used to practice his big roar when he was just a pup... now he's 6 years old and stopping traffic in Tassie with it! Watch until the end to see how much our favorite seal has grown. #neiltheseal #growingboy #babyneil ♬ original sound - Neil the Seal

Adnak śpiecyjalisty papiaredžvajuć, što z uzrostam marskija słany stanoviacca bolš terytaryjalnymi i mohuć pavodzić siabie ahresiŭna. Tamu supracoŭniki pryrodaachoŭnych słužbaŭ uvažliva sočać za Niłam i pry nieabchodnaści pieramiaščajuć jaho dalej ad daroh i inšych niebiaśpiečnych miescaŭ. Jany padkreślivajuć, što hetyja mietady nie škodziać žyviole.

Pavialičyć

Turystaŭ i miascovych žycharoŭ prosiać nie nabližacca da Niła bližej čym na 20 mietraŭ. Nazirać za samym viadomym ciuleniem Tasmanii lepš zdalok — navat kali ŭ internecie jon vyhladaje vielmi miła.

• 10
• 0
• 5
• 3
• 2
• 0
• 0
• 3