Praź dziesiać hadoŭ paśla taho, jak budynak byŭ pradadzieny kitajskamu inviestaru, abjekt znoŭ źjaviŭsia na elektronnym aŭkcyjonie placoŭki «BUTB-Majomaść». Pačatkovaja cana składaje 9 miljonaŭ rubloŭ, piša Office Life.
Hatel «Hrodna» razam z adnajmiennym restaranam u adnym kompleksie pabudavali ŭ 1985 hodzie. Šasnaccacipaviarchovy budynak byŭ raźličany na raźmiaščeńnie 500 haściej. Adnak prykładna praz dvaccać hadoŭ kompleks zakryli, pakolki jon užo nie adpaviadaŭ sučasnym patrabavańniam biaśpieki.
U 2016 hodzie budynak nabyŭ kitajski inviestar, jaki płanavaŭ pravieści maštabnuju rekanstrukcyju i adkryć sučasny hatel. Pavodle ŭmoŭ prodažu, na vykanańnie ŭsich rabot jamu advodziłasia čatyry hady. Adnak prajekt nie byŭ zavieršany ŭ vyznačany termin, i rekanstrukcyja zaciahnułasia.
U lutym 2024 hoda paviedamlałasia, što termin rekanstrukcyi byŭ padoŭžany da kanca 2024 hoda. Na toj momant prajektam praciahvaŭ zajmacca kitajski biznesmien, jaki nie admaŭlaŭsia ad svaich abaviazacielstvaŭ. Tahačasny staršynia Hrodzienskaha abłvykankama Uładzimir Karanik adznačaŭ, što ŭ vypadku niaŭdačy prajekta mohuć znajści novaha inviestara.
Ciapier abjekt iznoŭ vystaŭleny na aŭkcyjon, jaki pryznačany na 18 lipienia. Umovy dla novaha ŭładalnika amal nie źmianilisia ŭ paraŭnańni z tymi, što dziejničali dziesiać hadoŭ tamu. Kupiec pavinien na praciahu adnaho hoda raspracavać prajekt rekanstrukcyi, a sami raboty zaviaršyć nie paźniej čym praz try hady.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary