Na poŭdni Narviehii praciahvajecca baraćba z bujnym pažaram, jaki ŭžo nazvali samym maštabnym u krainie z časoŭ Druhoj suśvietnaj vajny. Stychija achapiła pasiołak Krokstadelva ŭ municypalitecie Dramien, prykładna za 50 kiłamietraŭ na zachad ad stalicy krainy Osła.
Pažar uspychnuŭ 17 lipienia i vielmi chutka raspaŭsiudziŭsia. Ahoń źniščyŭ bolš za sto žyłych damoŭ, paśla čaho pierakinuŭsia na susiedni lasny masiŭ. Praz pahrozu dalejšaha raspaŭsiudžvańnia ahniu byli evakujavanyja kala 400 miascovych žycharoŭ.
Da likvidacyi nastupstvaŭ zdareńnia pryciahnutyja vialikija siły: na miescy pracujuć dziasiatki ratavalnikaŭ, 12 pažarnych mašyn i dva pažarnyja viertaloty. Jašče niekalki pavietranych sudnaŭ byli nakiravanyja ŭ rajon pažaru dla ŭzmacnieńnia hrupoŭki.
Pavodle papiarednich źviestak, dziesiać čałaviek atrucilisia dymam, dvoje ź ich špitalizavanyja. Niaznačnyja traŭmy taksama atrymaŭ adzin supracoŭnik palicyi.
Ranicaj 18 lipienia pažarnikam udałosia ŭziać ahoń pad kantrol. Adnak asobnyja asiarodki ŭzharańnia zachoŭvajucca jak u žyłoj zabudovie, tak i ŭ lesie, tamu tušeńnie praciahvajecca.
Apošnija tydni šerah jeŭrapiejskich krain sutyknuŭsia z maštabnymi lasnymi pažarami, pryčynaj jakich stała praciahłaja śpioka i zasušlivaje nadvorje. Pažary ŭžo zakranuli Ispaniju, Francyju, Partuhaliju i Hrecyju, dzie byli evakujavanyja tysiačy ludziej i źniščanyja značnyja płoščy lasoŭ.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary