U Indyi adbyŭsia pieršy ŭ historyi krainy zapusk arbitalnaj rakiety, raspracavanaj pryvatnaj kampanijaj. Rakieta Vikram-1, stvoranaja kampanijaj Skyroot Aerospace, paśpiachova startavała 18 lipienia z kasmadroma imia Satyša Dchavana na vostravie Šrycharykota, paviedamlaje Reuters.
U kampanii paviedamili, što vyprabavalny palot prajšoŭ paśpiachova i rakieta vykanała svaju misiju, staŭšy pieršym pryvatnym arbitalnym nośbitam Indyi.
Rakieta Vikram-1 maje vyšyniu kala 22 mietraŭ i pryznačanaja dla vyvadu na nizkuju kalaziamnuju arbitu nievialikich spadarožnikaŭ. Jana moža dastaŭlać u kosmas karysny hruz masaj da 350 kiłahramaŭ.
Padčas pieršaha zapusku rakieta niesła niekalki ekśpierymientalnych hruzaŭ, u tym liku vyraščany ŭ łabaratoryi ałmaz, rabatyzavanyja pryłady dla vydaleńnia kaśmičnaha śmiećcia, a taksama minijaciurnuju załatuju rakietu.
Premjer-ministr Indyi Narendra Modzi nazvaŭ zapusk važnaj padziejaj dla kaśmičnaj prahramy krainy. Pavodle jaho słoŭ, raźvićcio pryvatnaha siektara adkryvaje novyja mahčymaści dla inavacyj i budzie stymulavać cikavaść moładzi da kaśmičnych technałohij.
Indyja adkryła svoj kaśmičny siektar dla pryvatnych kampanij u 2020 hodzie, dazvoliŭšy im raspracoŭvać rakiety, spadarožniki i ŭdzielničać u kaśmičnych misijach. U 2023 hodzie kraina stała čaćviortaj u śviecie, jakaja paśpiachova pasadziła kaśmičny aparat na pavierchniu Miesiaca.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary