Vychavaciela vučylišča alimpijskaha reziervu z Mazyra asudzili za zamach na zdradu dziaržavie
Alaksandr Jažeŭski doŭhi čas pracavaŭ u adukacyi i kamiercyi, ale ciapier mužčynu kinuli za kraty pavodle ciažkaha kryminalnaha artykuła.
Alaksandru Jažeŭskamu 58 hadoŭ. Jon z Mazyra. Jahony pracoŭny šlach byŭ davoli raznastajnym: u 90‑ch i pačatku nulavych mieŭ status IP, paśla pracavaŭ načalnikam achovy na kamunalnym pradpryjemstvie, a paźniej byŭ dyrektaram u drobnych pryvatnych kampanijach.
Urešcie mužčyna źmianiŭ śfieru dziejnaści i z 2011 pracavaŭ vychavacielem u filijale Homielskaha dziaržaŭnaha vučylišča alimpijskaha reziervu. Ustanova rychtuje maładych spartsmienaŭ pa akademičnym viesłavańni, viesłavańni na bajdarkach i kanoe, ciažkaj i lohkaj atletycy, a taksama viełasporcie.
Niadaŭna Jažeŭskaha asudzili ŭ Mahiloŭskim abłasnym sudzie pavodle č. 1 art. 14 i č. 1 art. 356 Kryminalnaha kodeksa Biełarusi — zamach na zdradu dziaržavie. Dakładnyja abstaviny spravy zastajucca nieviadomymi, ale Alaksandru pahražała ad siami da piatnaccaci hadoŭ.
Ciapier 58‑hadovy mazyrčuk adbyvaje pakarańnie ŭ kałonii.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Heta vyklikała masavyja narodnyja pratesty, u jakich udzielničali miljony ludziej. U adkaz na heta ŭłady raspačali aryšty.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 9594 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy) začapili kala 500 tysiač biełarusaŭ. Niekalki socień tysiač ludziej vymušanyja byli pakinuć krainu.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ ci prajavy salidarnaści z Ukrainaj.
«Naša Niva» — bastyjon biełaruščyny
PADTRYMAĆ
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary