20 žniŭnia 2026 hoda dziaržaŭnaja zapazyčanaść Złučanych Štataŭ dasiahnuła prykładna $40,05 tryljona. Takim čynam, byŭ pieraadoleny čarhovy histaryčny rubiež. Dla paraŭnańnia: $30 tryljonaŭ amierykanski dziarždoŭh pierasiahnuŭ kala čatyroch z pałovaj hadoŭ tamu, a dziesiać hadoŭ tamu jon składaŭ prykładna $19,4 tryljona, paviedamlaje CNBC.
Rost doŭhu adbyvajecca na fonie zachavańnia vialikaha deficytu fiederalnaha biudžetu. U lipieni jon dasiahnuŭ $432,3 miljarda — heta najvyšejšy pakazčyk ź viasny 2021 hoda. Z pačatku ciapierašniaha finansavaha hoda sukupny deficyt nabliziŭsia da $1,8 tryljona, pieravysiŭšy pakazčyk za adpaviedny pieryjad minułaha hoda.
Adnačasova dla ZŠA ŭsio bolš darahim stanovicca absłuhoŭvańnie dziaržaŭnych pazyk. Za biahučy finansavy hod na vypłatu pracentaŭ pa dziarždoŭhu ŭžo pajšło amal $1,2 tryljona. Heta adzin z samych bujnych artykułaŭ fiederalnych vydatkaŭ — bolšymi za jaho zastajucca tolki vydatki na sacyjalnyja prahramy i miedycynskaje strachavańnie.
Rost zapazyčanaści i vydatkaŭ na absłuhoŭvańnie doŭhu taksama ŭpłyvaje na rynak dziaržaŭnych ablihacyj ZŠA. Dachodnaść kaznačejskich papier prykmietna vyrasła, što adlustroŭvaje zaniepakojenaść inviestaraŭ maštabami dziaržaŭnych zapazyčańniaŭ i budučymi vydatkami biudžetu.
Na hetym fonie Ministerstva finansaŭ ZŠA abviaściła ab pavieličeńni abjomaŭ apieracyj pa vykupie doŭhaterminovych dziaržaŭnych ablihacyj.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES27
Kamientary