Pašynian vyrašyŭ adklikać pasła Armienii z Rasii na fonie handlovaj vajny
Pašynian niezadavoleny dypłamatyčnaj pracaj pasła, pakolki toj nie moža źnizić napružanaść u adnosinach pamiž Jerevanam i Maskvoj.
Premjer-ministr Armienii pryniaŭ rašeńnie adklikać nadzvyčajnaha i paŭnamocnaha pasła respubliki ŭ Rasii Hurhiena Arsieniana, paviedamili armianskaj haziecie «Žahavurd» daśviedčanyja krynicy.
Pavodle ich słoŭ, Pašynian niezadavoleny dypłamatyčnaj pracaj pasła, pakolki toj nie moža źnizić napružanaść u adnosinach pamiž Jerevanam i Maskvoj. Pakul nieviadoma, chto zamienić Arsieniana, adnak rašeńnie ab jaho adklikańni źjaŭlajecca kančatkovym i pierahladu nie padlahaje, padkreślili surazmoŭcy «Žahavurd».
Arsienian byŭ pryznačany pasłom u Rasii ŭ žniŭni 2024 hoda, źmianiŭšy na hetaj pasadzie Vaharšaka Aruciuniana. Da hetaha jon byŭ deputatam parłamienta respubliki ad kiroŭnaj frakcyi «Hramadzianskaja damova», piša Moscow Times.
Adnosiny pamiž Rasijaj i Armienijaj abvastrylisia praz płany Jerevana ŭstupić u ES. Z maja Maskva paśladoŭna zabaraniała pastaŭki roznaj armianskaj pradukcyi, u tym liku ałkaholu, harodniny, sadaviny, ryby, małaka i kvietak.
Pieršyja rasijskija zabarony na ŭvoz i tranzit armianskich tavaraŭ źjavilisia niezadoŭha da parłamienckich vybaraŭ u respublicy, jakija prajšli 7 červienia, a paśla pieramohi partyi Pašyniana ich kolkaść rezka pavialičyłasia.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?4
Kamientary