Sielin Dyjon viarnułasia na scenu z kancertam paśla šaści hadoŭ pierapynku z-za chvaroby
U śpiavački redkaje aŭtaimunnaje nieŭrałahičnaje zachvorvańnie, jakoje moža vyklikać myšačnuju skovanaść i spazmy.
Sielin Dyjon viarnułasia na scenu ŭ Paryžy ź pieršym paŭnavartasnym kancertam za šeść hadoŭ.
Kanadskaja śpiavačka nie zmahła strymać śloz, vyjšaŭšy 12 vieraśnia na scenu pierad 30 000 prychilnikaŭ na arenie Plenitude u Nantery, piša «Jeŭrańjus».
«Šlach byŭ ciarnistym, daroha zaniała bolš času, čym čakałasia, — skazała jana pad ahłušalnyja apładysmienty. — Ale mianie vabiŭ słaby promień śviatła ŭdalečyni, vysoka ŭ harach. Siońnia ŭviečary ja chaču śpiavać dla vas. Śpiavać dla siabie. Śpiavać dla žyćcia».
Zatym Dyjon vykanała šerah svaich samych viadomych i znakavych chitoŭ, uklučajučy «My Heart Will Go On» i «Because You Loved Me».
Na kancercie, jak paviedamlajecca, prysutničali byłaja pieršaja łedzi ZŠA Mišel Abama i šerah francuzskich palitykaŭ, u tym liku Habryel Atal i Eduar Filip.
Premjer-ministr Kanady Mark Karni pavinšavaŭ Dyjon z tym, što jon nazvaŭ «nievierahodnym viartańniem na scenu paśla šaści doŭhich hadoŭ».
U śpiavački ciapier zapłanavana 26 kancertaŭ u Francyi.
U śniežni 2022 hoda Dyjon paviedamiła, što ŭ jaje dyjahnastavany sindrom žorstkaha čałavieka — redkaje aŭtaimunnaje nieŭrałahičnaje zachvorvańnie, jakoje moža vyklikać myšačnuju skovanaść i spazmy.
Heta nievylečnaje zachvorvańnie prymusiła śpiavačku admianić kancerty na 6 hadoŭ, prymusiŭšy mnohich zasumniavacca, ci zmoža jana kali-niebudź viarnucca na scenu.
Apošni raz z paŭnavartasnym kancertam Dyjon vystupała ŭ 2020 hodzie ŭ ramkach svajho tura Courage Tour.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje10
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary