Francyja pracisnuła rašeńnie ab źniaćci sankcyj z Usmanava i Frydmana
Pasły krain Jeŭrasajuza 21 vieraśnia papiarednie damovilisia ab źniaćci sankcyj z rasijskich miljarderaŭ Ališera Usmanava i Michaiła Frydmana. Jak paviedamlaje Reuters sa spasyłkaj na niekalkich jeŭrapiejskich dypłamataŭ, damoŭlenaść ustupić u siłu, kali na praciahu niekalkich nastupnych hadzin nivodzin urad ES nie vystupić suprać hetaha rašeńnia, piša The Moscow Times.
Źniaćcie abmiežavańniaŭ stała častkaj bolš šyrokaj damoŭlenaści ab padaŭžeńni sankcyj suprać tysiač inšych rasijskich fizičnych i jurydyčnych asobaŭ adrazu na try hady. Zvyčajna roznyja sankcyjnyja miery praciahvajucca na šeść abo dvanaccać miesiacaŭ.
Kančatkovaje rašeńnie pra padaŭžeńnie prykładna 3000 sankcyj suprać Rasii pavinna być pryniata da aŭtorka. Adnak na minułym tydni Francyja niečakana dałučyłasia da Słavakii, jakaja vystupała za vyklučeńnie Usmanava z sankcyjnaha śpisu ES. Miljarder užo niekalki hadoŭ praz svaich łabistaŭ u roznych krainach sprabuje damahčysia źniaćcia abmiežavańniaŭ.
Luksiemburh, u svaju čarhu, źviarnuŭ uvahu na situacyju vakoł Michaiła Frydmana, jaki padaŭ suprać hetaj krainy pazoŭ u suviazi z zamarožvańniem jaho aktyvaŭ. Luksiemburh zajaviŭ, što jaho pazicyja ŭ sudovym pracesie moža stać bolš słaboj, kali sankcyi buduć źniatyja tolki z Usmanava.
Francyja nie stała publična abo pryvatna tłumačyć svaje matyvy, zajaviŭšy tolki, što pytańnie źviazanaje z «kankretnaj prablemaj nacyjanalnaj biaśpieki». Politico paviedamlała, što rašeńnie mahło być častkaj mahčymaj damoŭlenaści, u miežach jakoj Azierbajdžan vyzvaliŭ by zatrymanych francuzskich hramadzian. Prezident Azierbajdžana Ilcham Alijeŭ heta admaŭlaŭ i zajaŭlaŭ, što Baku i raniej vystupaŭ za vyklučeńnie Usmanava z sankcyjnaha śpisu. Usmanaŭ naradziŭsia va Uźbiekistanie.
Pavodle infarmacyi ad troch jeŭrapiejskich dypłamataŭ, Francyja zaklikała ES źniać sankcyi z Usmanava paśla taho, jak Azierbajdžan zatrymaŭ jak minimum dvuch hramadzian Francyi. Paśla hetaha Baku nibyta pačaŭ akazvać na Paryž cisk u pytańni sankcyj suprać Usmanava. Vysokapastaŭleny azierbajdžanski dypłamat u razmovie z Reuters hetuju infarmacyju abvierh.
Sam Usmanaŭ dla baraćby ź jeŭrapiejskimi sankcyjami vykarystoŭvaŭ roznyja kanały. Naprykład, ministr zamiežnych spraŭ Rasii Siarhiej Łaŭroŭ źviartaŭsia pa dapamohu ŭ hetym pytańni da byłoha vienhierskaha kalehi Pietera Sijarta.
Viasnoj z uciečki telefonnych pieramoŭ pamiž ministrami stała viadoma, što Łaŭroŭ prasiŭ Sijarta dapamahčy vyklučyć z sankcyjnaha śpisu siastru Usmanava Hulbachor Ismaiłavu. Sijarta paabiacaŭ užo na nastupnym tydni razam sa Słavakijaj vynieści hetaje pytańnie na abmierkavańnie ŭ ramkach pracesu padaŭžeńnia sankcyj. U adkaz Łaŭroŭ skazaŭ, što Usmanavu heta budzie vielmi pryjemna.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary20
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary