Kiroŭcu pahruzčyka z Hrodna asudzili pa šaści palityčnych artykułach. Imavierna, jaho schapili paśla viartańnia ŭ Biełaruś
54‑hadovaha Valera Rynkieviča abvinavacili ŭ padrychtoŭcy da masavych biesparadkaŭ, raspalvańni varožaści i paklopie na Łukašenku.
Valeryju Rynkieviču z Hrodna 54 hady. Sa źviestak «Biełpoła» vynikaje, što raniej mužčyna pracavaŭ kiroŭcam pahruzčyka na biełaruska-polskim sumiesnym pradpryjemstvie «Ekskluziŭ».
Z 2019 hoda Rynkievič ličyŭsia ŭ Biełarusi biespracoŭnym. Heta daje padstavy mierkavać, što mužčyna moh doŭhi čas pracavać za miažoj, a kryminalny pieraśled pačaŭsia paśla jahonaha viartańnia na radzimu.
Z adkrytych krynic viadoma, što hrodzieniec cikaviŭsia palityčnymi navinami i pieryjadyčna pakidaŭ kamientary ŭ miascovych supołkach.
Niadaŭna Hrodzienski abłasny sud vynies Valeryju prysud adrazu pa šaści artykułach Kryminalnaha kodeksa. Jaho pryznali vinavatym u raspalvańni varožaści (č. 1 art. 130), «reabilitacyi nacyzmu» (č. 1 art. 130-1), abrazie i paklopie na Alaksandra Łukašenku (art. 368 i 367), a taksama ŭ ździeku ź dziaržaŭnych simvałaŭ (art. 370). Napisańnie kamientaroŭ u internecie sud traktavaŭ jašče i jak «padrychtoŭku da ŭdziełu ŭ masavych biesparadkach» (č. 1 art. 13 i č. 2 art. 293).
Dakładny termin źniavoleńnia, jaki prysudzili Valeryju, pakul zastajecca nieviadomym.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆAjcišnik pajechaŭ z Łodzi na śviaty ŭ Biełaruś i trapiŭ za kraty. Što pra jaho viadoma
Markietołah prahnozu nadvorja WindyApp pryjechaŭ na radzimu — i jaho pasadzili na piać hadoŭ za kryptadanaty Ukrainie
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»
Kamientary