Pra źniknieńnie svajho školnaha siabra Uładzimira Ałdochina paviedamiŭ u fejsbuku architektar i adzin z redaktaraŭ biełaruskaj Vikipiedyi Uładzisłaŭ Čachovič.
«Źnik moj školny siabar Uładzimir Ałdochin (nar. 13.07.1993), jaki apošnija hady žyŭ u Vilni i pracavaŭ inžynieram-elektrykam u vysokatechnałahičnaj kampanii I-Photonics UAB.
Niadaŭna jon zvolniŭsia adtul paśla doŭhich hadoŭ pracy, paśla nakiravaŭsia na adpačynak u Italiju, imavierna, adzin. 5 vieraśnia jon napisaŭ maci, što lacić tudy. 9 vieraśnia ja pierapisvaŭsia ź im, i jon chutka adkazvaŭ. 10 vieraśnia jon paviedamiŭ svajmu inšamu siabru, što znachodzicca ŭ Livorna, Taskana.
Apošni raz jaho telefon byŭ u sietcy 13 vieraśnia, pra što śviedčyć akaŭnt u Vajbiery.
Litoŭskaja palicyja pryniała zajavu na razhlad. Rodnyja, kalehi i siabry šukajuć jaho», — napisaŭ Uładzisłaŭ Čachovič.
Kamientary