Taksistam zahadali terminova źniać usiu rekłamu kazino i bukmiekieraŭ z bartoŭ mašyn
Novy zakon pra rekłamu azartnych hulniaŭ jašče nie pryniali, ale abureńnie Łukašenki vyklikała łancuhovuju reakcyju.
Biełaruskim taksistam nastojliva prapanavali terminova źniać usiu rekłamu kazino i azartnych hulniaŭ z bartoŭ mašyn.
Takoje paviedamleńnie źjaviłasia ŭ rejestry pieravozčykaŭ, piša «Anłajnier». Aŭtaparki taksama prosiać nie dapuskać rekłamu takich ustanoŭ u sałonach aŭta.
Tekst składzieny tak, nibyta taksistam prosta rekamiendujuć prybrać usiu rekłamu, kab nie dapuskać papularyzacyi azartnych hulniaŭ i kazino. Ale hučyć mesedž davoli kateharyčna.
Zakon pra rekłamu azartnych hulniaŭ i kazino ŭ Biełarusi pakul tolki rychtujecca. Praces pajšoŭ paśla publičnaha raznosu ad Łukašenki na adnoj z narad. Jon aburyŭsia kolkaściu rekłamy bukmiekieraŭ i kazino, jakoj Minsk ablepleny ŭžo niekalki hadoŭ. Łukašenka zajaviŭ, što pavodle jahonych adčuvańniaŭ usia kraina «krucić husia» — heta słohan adnoj z bukmiekierskich kampanij. I zahadaŭ razabracca.
Paśla hetaha ŭ Minhandli anansavali źmieny ŭ zakonach. Płanujecca zabaranić vonkavuju rekłamu kazino za redkim vyklučeńniem. Taksama rekłamu źbirajucca prybrać z hramadskaha transpartu i inšych prastor.
Zakon pakul nie pryniali, ale taksistam užo «prapanujuć apieratyŭna zabiaśpiečyć źniaćcie» rekłamy azartnych hulniaŭ i «nie dapuskać jaje raźmiaščeńnie ŭ sałonach».
Kamientary