Piśmieńnik Džefry Arčer pamior za sutki da vychadu svajoj novaj knihi

Džefry Arčaer pradaŭ bolš za 300 miljonaŭ knih za svaju piacidziesiacihadovuju piśmieńnickuju karjeru. Siarod jaho najbolš viadomych tvoraŭ — «Chroniki Kliftana» i «Kain i Aviel». Dziejańnie svaich ramanaŭ jon časta raźmiaščaŭ u rodnym dla jaho horadzie Vielinhtanie ŭ hrafstvie Somiersiet.

U zajavie vydaviectva HarperCollins havorycca, što piśmieńnik pamior «raptoŭna i mirna doma» ŭ paniadziełak pamiž pracaj nad knihami.

Były deputat ad Kansiervatyŭnaj partyi byŭ źniavoleny za iłžeśviedčańnie ŭ 2001 hodzie paśla taho, jak jaho pryznali vinavatym u chłuśni i machlarstvie ŭ spravie ab paklopie, jakuju jon raspačaŭ u 1987 hodzie suprać haziety Daily Star.

Arčer naradziŭsia ŭ paŭnočnym Łondanie 15 krasavika 1940 hoda, ale nieŭzabavie pierajechaŭ u Uestan-supier-Mer u hrafstvie Somiersiet, dzie jaho siamja nabyła dom u maci Džona Kliza.

U 1969 hodzie Arčer byŭ abrany deputatam ad akruhi Łaŭt u Linkalnšyry.

Jon piać hadoŭ pracavaŭ deputatam, paśla čaho staŭ namieśnikam staršyni Kansiervatyŭnaj partyi.

Jaho palityčnaja karjera była pierapynienaja ŭ 2001 hodzie, kali jaho asudzili na čatyry hady pazbaŭleńnia voli za iłžeśviedčańnie i pieraškodu ažyćciaŭleńniu pravasudździa.

Było ŭstanoŭlena, što jon schłusiŭ u spravie ab paklopie, jakuju raspačaŭ suprać haziety The Star. U vyniku jamu prysudzili 500 tysiač funtaŭ sterlinhaŭ kampiensacyi.

U 2003 hodzie jon vyjšaŭ na volu i viarnuŭsia ŭ Pałatu łordaŭ, dzie zastavaŭsia da vychadu na piensiju ŭ 2024 hodzie.

Jaho apošniaja kniha «Adam i Jeva» pavinna vyjści na hetym tydni. HarperCollins nazvała Arčera «majstram apaviadańnia», dla jakoha jaho čytačy «aznačali ŭsio».

Vydaviectva taksama paviedamiła, što ŭ niadzielu Arčer byŭ u teatry Leicester Square Theatre u Łondanie, dzie razam z televiadučym Džajłzam Brandretam padpisvaŭ knihi dla prychilnikaŭ.

Brandret napisaŭ u X: «Tolki ŭčora ja vystupaŭ razam z Džefry Arčeram na prezientacyi jaho novaha ramana — jon skazaŭ, što heta budzie jaho apošniaja kniha. Jon byŭ u cudoŭnaj, nadzvyčaj enierhičnaj formie, a hledačy ŭ poŭnaj zale pryniali jaho vielmi ciopła. Jon byŭ viasiołym, cikavym i samairaničnym — vialikim majstram apaviadańnia da apošniaha».

Paźniej Brandret skazaŭ u efiry BBC World Tonight, što Arčer byŭ «vielmi jarkaj asobaj», jakaja «paśla turmy stała bolš miakkim čałaviekam».

• 0
• 0
• 0
• 0
• 0
• 2
• 0
• 0