Radasłaŭ Sikorski zaklikaŭ jeŭrapiejskija krainy zakryć rasijskija konsulstvy
I abmiežavać pieramiaščeńnie rasijskich dypłamataŭ pa svajoj terytoryi.
Jeŭrapiejskija krainy pavinny zakryć rasijskija konsulstvy, abmiežavać pieramiaščeńnie rasijskich dypłamataŭ pa svajoj terytoryi i skaracić kolkaść rasijskaha dypłamatyčnaha piersanału. Pra heta zajaviŭ u intervju Financial Times (FT) ministr zamiežnych spraŭ Polščy Radasłaŭ Sikorski.
Pavodle jaho słoŭ, Varšava ŭžo zrabiła anałahičnyja kroki. «U mianie bolš nie zastałosia konsulstvaŭ, ale ŭ inšych jany jašče jość», — skazaŭ ministr.
Sikorski taksama prapanavaŭ abaviazać usich rasijan, jakija ŭjazdžajuć u Jeŭrasajuz, mieć bijamietryčnyja zamiežnyja pašparty. Heta pieraškodzić mierkavanym rasijskim ahientam pierasiakać miežy pad vydumanymi imionami, patłumačyŭ jon.
Akramia taho, kiraŭnik polskaha MZS padtrymaŭ zakliki skaracić vydaču turystyčnych viz rasijanam. Pavodle źviestak FT, letaś krainy ES vydali hramadzianam Rasii amal 500 tysiač takich viz.
Tym časam 12 kastryčnika ministry zamiežnych spraŭ krain Jeŭrasajuza abmiarkujuć u Luksiemburhu abmiežavańni na pieramiaščeńnie rasijskich dypłamataŭ pa terytoryi abjadnańnia, a taksama mahčymaje ŭzmacnieńnie žorstkaści praviłaŭ vydačy turystyčnych viz rasijanam.
Kamientary