Zakručany trymcieńnik Krystafera Nołana «Pačatak» — najlepšaja stužka letniaha siezonu.
ZŠA — Vialikabrytanija, 2010, kalarovy, 148 chv.
Režysior: Krystafer Nołan
Roli vykonvajuć: Leanarda Dzi Kapryjo, Džozef Hordan-Levit, Elen Pejdž, Tom Hardzi, Kien Vatanabe, Maryjon Katyjar, Kilijan Miorfi
Žanr: Psichałahičny trymcieńnik z elemientami fantastyki
Adznaka: 7,5 (z 10)
Dom Kob — złodziej, jaki kradzie čužyja sakrety, vandrujučy ŭ sny. Ale adnojčy Kobu prapanujuć nie ściahnuć ideju, a pakłaści jaje ŭ čužy rozum. Kob źbiraje kamandu dla niebiaśpiečnaje apieracyi, ale mała chto viedaje, što hałoŭny vorah — u snach samoha hieroja.
Zakručany trymcieńnik Krystafera Nołana — najlepšaja stužka letniaha siezonu.
Sny zaŭždy byli ŭdziačnaj mietafaraju kino. Jany pravakavali halucynacyjami, virtualnym šokam i seksualnymi vybrykami.
Ale sny ŭ karcinie Krystafera Nołana — dakładnyja, realistyčnyja, biez naviaźlivych dadatkovych efiektaŭ. Heta sny-trylery sa stralaninaju i pahoniami, bieśpierapynnym dziejańniem — i žorstkaj psichałahičnaj hulnioj.
Leanarda Dzi Kapryjo i Maryjon Katyjar, Kilijan Merfi i Kien Vatanabe pravalvajucca ŭ čužyja sny, bjucca, vyśviatlajuć stasunki. Razvalvajucca harady, padajuć mašyny, imčacca śniehavyja łaviny.
Sny ad Krystafera Nołana nie daduć vam zasnuć na praciahu amal troch hadzinaŭ.
Ale budźcie aściarožnymi: režysior-hipnaznaŭca ŭžo impłantavaŭ u vas svaju ideju.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty19
Kamientary