Krynica ŭ «Hazpromie»: Rasija maje pavysić canu hazu dla Biełarusi na 35%
Miž tym ceny hazu dla Jeŭropy praktyčna nie źmieniacca.
Miž tym ceny hazu dla Jeŭropy praktyčna nie źmieniacca.
Cana pryrodnaha hazu dla Biełarusi z pačatku 2011 hoda składzie kala $250 za tysiaču kubamietraŭ u zaležnaści ad vahańniaŭ cany na naftu, paviedamiła ahienctvu «Interfaks-Zachad» krynica ŭ hazavaj halinie.
«U pačatku 2011 hoda cana impartu hazu moža vyraści prykładna da ŭzroŭnia $250 za tysiaču kubamietraŭ, zychodziačy z formuły cenaŭtvareńnia, vahańniaŭ cany na naftu i skasavańnia panižalnaha kaeficyjentu», - skazała krynica.
Takim čynam,
u paraŭnańni z čakanaj siaredniehadavoj canoj 2010 hoda ($186 za tysiaču kuboŭ — «Interfaks»), cana z pačatku 2011 hoda dla Biełarusi vyraście prykładna na 35% u vypadku zachavańnia kantraktnych umoŭ i prałanhacyi admovy rasiejskaha boku ad źbirańnia ekspartnych mytaŭ na haz pry jaho pastaŭkach u Biełaruś.
Varta adznačyć, što heta budzie jaŭna palityčnaje pavyšeńnie, bo cana hazu na jeŭrapiejskich rynkach praktyčna nie źmienicca. Jana pryviazanaja da cany nafty, a taja vyrasła za hod niaznačna. U toj ža čas varta adznačyć, što hetym cana hazu dla Ukrainy i Biełarusi prosta vyraŭniajecca. Reč u tym, što raniej Rasija pastaŭlała haz bratniamu aŭtarytarnamu režymu pa lhotnych taryfach.
Ciapier čytajuć
Łukašenka: Razmova z Makronam doŭžyłasia 1 hadzinu 40 chvilin. Projduć pieramovy z pradstaŭnikom Francyi4
Kamientary