Afiša

Farmat 4ch4: pa dva filmy na vychodnyja

Sprava hustu

061117f1 (7K)

Francyja, 2000, kalarovy, 90 chv.

Žanr: hastranamična-filazofski trymcieńnik.

50-hadovy mahnat Frederyk, jaki stamiŭsia ad žyćcia, najmaje asabistaha dehustatara, maładoha čałavieka Nikala. Novy słuha musić sačyć, kab u ježy nie było syru j ryby, čaho Frederyk nie vynosić. Kapryźlivy mahnat vyciahvaje Nikala adusiul i ŭ luby čas. Hastranamičnyja pryhody pierarastajuć u tryler.

Karcina atrymała francuskija pryzy za najlepšy scenar, najlepšy film, najlepšaha aktora (Bernar Žyrado), najlepšaha maładoha aktora – nadzieju kinematohrafu (Žan-Pjer Lory).

Karcinu pastaviŭ žurnalist i režyser Bernar Rap – i heta druhaja jahonaja stužka.

Film kateharyčna nielha hladzieć na pusty straŭnik.

Subota, 18 listapada: «Centralny» 17:00, 19:00

Niadziela, 19 listapada: «Aŭrora» 18:30, 20:30

101 Rejkjavik

061117f2 (7K)

Iślandyja–Danija–Narvehija–Francyja, 2000, kalarovy, 93 chv.

Žanr: kamedyja.

Iślandzki bejbus sustrakaje pałkuju nastaŭnicu flamenka… Z hišpanskaj aktorkaj Viktoryjaj Abryl u iślandzkim filmie źjavilisia typovyja almadovaraŭskija žarści (i temy).

Karcina – debiut iślandzkaha aktora Baltazara Karmakura – atrymała pryzy ŭ Taronta, Salonikach i Pule.

Subota, 18 listapada: «Aŭrora» 18:30, 20:30

Niadziela, 19 listapada: «Centralny» 21:00

Pošum mora

061117f4 (4K)

Hišpanija, 2001, kalarovy, 95 chv.

Žanr: drama.

Jon, jana – i mora. I jašče niedarečny novy muž… Čarhovy film ad eratyčnaha kičmajstara Bihasa Łuny («Załatyja jajki», «Cycka i poŭnia»).

U rolach: Leanor Ŭotlinh («Zabić Frojda»), Chordzi Molja («Ford Alamo»).

Subota, 18 listapada: «Pieramoha» 17:00, 19:00, 21:10

Niadziela, 19 listapada: «Mir» 21:00

«30 dzion da dośvitku»

061117f3 (4K)

Švecyja, 2006, kalarovy, 97 chv.

Žanr: vampirskaja kamedyja.

Adznaka: 6 (z 10).

Ukraina, 1944 hod. Noč. Na zabłukałych esesaŭcaŭ u lasnoj chacie napadaje ikłastaja Sałocha, a ŭ sklepie ryčyć i kałocicca dziciačaja damavina…

Našyja dni. U zapalarnaje miastečka da słynnaha hienetyka Bekierta pryjaždžaje medsiastra Anika z dačkoj Sahaj… U trupielni prafesar Bekiert pracinaje kałom hrudzi pamierłaha matacyklista i raspracoŭvaje čyrvonyja pihułki, jakija pieraŭtvorać ludziej u vampiraŭ. Stos hetych pihułak trapić na moładzievuju viečarynku, kudy pryjdzie j Saha… Nu, a jejnaj maci pryjdziecca adbivacca ad monstra-prafesara, jaki ź ciepłynioj uzhadaje pra ŭkrainskija pryhody.

U kamplekcie z padletkami-kryvasmokami – tupyja palicyjanty, havarkija sabački i zahublenyja zaručyny.

Najbližejšym svajakom švedzkaje stužki Andersa Bankie jość rasiejski treš-kašmaryk «Pasieka» – na što režyser sumlenna j spasyłajecca. Ale dyzajn kryvasmokaŭ i admysłovyja efekty radykalna roźniacca ad hrymu picierskaj studyi «NOM».

Ikły – i ŭ švedzkuju noč ikły (darečy, nočka zaciahniecca na 30 dzion).

Chitryja amerykancy ŭžo zdymajuć paŭtor švedzkaha filmu. Ale łokci musiać kusać biełarusy.

Anders Bankie niezdarma jeŭ VHIKaŭski chleb. Muzyka na tytrach prymusić tutejšych pensijaneraŭ – biez usialakich čyrvonych pihułak – bicca ŭ histerycy.

«Ciomnaja noč» Biernesa-Ŭciosava idealna kładziecca na moładzievuju žachaŭku.

Subota, 18 listapada: «Mir» 17:00, 21:20

Niadziela, 19 listapada: «Pieramoha» 17:00, 19:00, 21:10

Kamientary

Ciapier čytajuć

Tehieran haryć. Izrailskija źniščalniki praciahvajuć udary, pakul SPA Irana biaśsilnaja17

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

Padčas izrailskich udaraŭ zahinuŭ daradca ajatały Chamieniei, jaki letaś prylataŭ u Minsk1

U Miniesocie napali na damy dvuch palitykaŭ-demakrataŭ, jość achviary7

Biaśpieka Irana pad pytańniem: jahony ŭrad niazdolny abaranić navat sam siabie8

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»28

U Biełaruś z Rasii zavoziać avijabomby i rakiety12

Nietańjachu: «Nieŭzabavie vy ŭbačycie izrailskija samaloty ŭ niebie nad Tehieranam»1

Zbankrutavała viadomaja sietka fastfudu Döner King2

Tramp vymušana spyniaje rejdy suprać imihrantaŭ u sielskaj haspadarcy i hatelnym biznesie3

Navukoŭcy znajšli prosty sposab paspryjać rostu raślin — muzyka, ale nie kožnaja20

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja17

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić