Na Druhi padzieł BNF

Prusaki, jakija, karystajučysia vobrazam Vitala Rymašeŭskaha, pavypaŭzali z ščylin, jak tolki patuchła śviatło i haspadary syšli z kuchni, zrabilisia tolki pradvieśnikam vitka razłažeńnia apazycyi paśla vybaraŭ. Paśla ŭsich minułych skandałaŭ z najstarejšym biełaruskim palityčnym ruchu, de-fakta druhi raskoł BNF užo navat nie źjaŭlajecca navinoj numar adzin u infarmacyjnych stužkach.

Idejnymi naščadkami Biełaruskaha Narodnaha Frontu siabie mohuć ličyć mnohija sučasnyja palityčnyja arhanizcyi: KCHP-BNF, Partyja BNF, Biełaruskaja Chryścijanskaja Demakratyja.

Siarod kandydataŭ na minułych prezydenckich vybarach umoŭnymi «beneefaŭcami» možna było b nazvać až troch čałaviek:

Zdajecca, słovy «kanservatyŭna-chryścijanskaja partyja» byli dadadzienyja Zianonam Paźniakom da nazvy jahonaj častki raskołataha BNF mienavita va ŭśviedamleńni taho, što svajoj pieršapačatkovaj mety stary BNF, nakolki možna było, damohsia i što treba rabić nastupny krok u vybudavańni idealahičnaje platformy, pašyrajučy jaje źmiest za miežy biełaruskaha adradžeńnia i niezaležnaści.

Lajalnaść da biełaruščyny, demakratyja i bieł-čyrvona-bieły ściah pierastali być unikalnym idealahičnym praduktam, hetyja kaštoŭnaści padzialaje jaŭnaja bolšaść palityčna-aktyŭnaj hramadzkaści i kontrelity

Ad taho, što Biełaruski Narodny Front adyhraŭ svaju histaryčnuju rolu i ad taho, što ŭsie palityčnyja ruchi (i navat režym Łukašenki) pretendujuć na «biełaruskaść» i «narodnaść», byŭ niepaźbiežny jahony raskoł ci pastupovy zaniapad, jak toje było z narodnymi frontami ŭ inšych byłych respublikach SSR.

Ź imaviernym stvareńniem veteranami Partyi BNF «Biełaruskaha Ruchu», my atrymajem užo čaćviortuju ci piatuju arhanizacyju ŭ śpisie pravakanservatyŭnych partyjnych ruchaŭ,

Niedapuščalna, kab «druhim BNF» zrabiłasia AHP

Pieramieny ŭ Biełarusi i suzravańnie hramadzianskaj supolnaści — heta jak toj brytanski hazon u anekdocie. «Palivać i stryhčy, palivać i stryhčy — i tak dźvieście hadoŭ», heta doŭhaja i krapatlivaja aśvietnickaja i pravaabarončaja praca. Inšaj apazycyi my nia majem, i patreba jaje jednaści zrabiłasia banalnym patrabavańniem. Kožny skandał i kanflikt, kožnaja prajava niazdolnaści apazycyjnych arhanizacyj da vypracoŭki efektyŭnych kampramisnych rašeńniaŭ pracuje na karyść dyktatarskaha režyma, a nie na karyść demakratyi ŭ Biełarusi. Nichto nie pavinien na heta zabyvacca.

• 0
• 0
• 0
• 0
• 0
• 0
• 0
• 0