Rymašeŭski pra pošliny na aŭto: prablemu vyrašać tolki svabodnyja vybary
Jak apazicyja adreahuje na pierachod rasijskija myty pry ŭvozie aŭtamabilaŭ?
Jak apazicyja adreahuje na rašeńnie ŭładaŭ pierajści na rasijskija myty pry ŭvozie aŭtamabilaŭ?
Paśla padziej 19 śniežnia i reakcyi na ich rasijskich uładaŭ, uviadzieńnia mytaŭ treba było čakać, kaža eks-kandydat u prezidenty ad chryścijanskich demakrataŭ Vital Rymašeŭski. Jon upeŭnieny, što heta ŭdaryć pa dabrabycie prostych biełarusaŭ, asabliva ŭličvajučy rost cenaŭ na pradukty i kamunałku. «My i raniej vystupali suprać padvyšeńnia mytaŭ na aŭto. Ale ciapier, ja liču, nie čas raspylacca na pryvatnaści. Bo padvyšeńnie mytaŭ — heta ŭsiaho tolki adzin z vynikaŭ dziejnaści ŭładaŭ. Hałoŭnaja prablema ŭ tym, što prostyja ludzi nie majuć nijakaha ŭpłyvu na dziejańni ŭładaŭ. Naša zadača patłumačyć heta ludziam i damahacca praviadzieńnia svabodnych vybaraŭ, kab źmianić situacyju, sistemu ŭ cełym», — havoryć V. Rymašeŭski.
Hod tamu Partyja BNF inicyjavała refierendum pa pytańni pavyšeńnia mytaŭ na aŭto. Adnak Centrvybarkam admoviŭ u rehistracyi inicyjatyŭnaj hrupy, zajaviŭšy, što pytańnie, jakoje płanavali vynieści na refierendum, nie praduhledžvaje adnaznačnaha adkazu. Jak paviedamiŭ «Našaj Nivie» namieśnik staršyni partyi BNF Ihar Lalkoŭ, partyja i ciapier nie zastaniecca ŭ baku ad prablemy. «Pačniom ź infarmavańnia nasielnictva. Raskažam ludziam pra toje, što ich čakaje, pra svaju letašniuju inicyjatyvu. Nie vyklučajem i taho, što budziem źbirać podpisy».
Namieśnik kiraŭnika Ruchu za Svabodu Juraś Hubarevič nahadaŭ, što Biełaruś nie maje nacyjanalnych vytvorcaŭ aŭtamabilaŭ, intaresy jakich možna abaranić uviadzieńniem zaharadžalnych pošlinaŭ. Jon paŭtaryŭ dumku Rymašeŭskaha pra niehatyŭnyja nastupstvy takoha rašeńnia, uličvajučy rost cenaŭ i źmianšeńnie realnych dachodaŭ nasielnictva. Niepradumanaja ekanamičnaja palityka ŭładaŭ stavić pad udar dabrabyt biełarusaŭ, a admova ad supracy ź Jeŭrasajuzam, unutranyja prablemy, faktyčna zahaniajuć Biełaruś u śfieru ekanamičnych intaresaŭ Rasii, kaža Hubarevič. Ruch za Svabodu samastojna, albo ŭ supracy z BNF i inšymi zacikaŭlenymi siłami, budzie infarmavać hramadzianaŭ ab sapraŭdnych pryčynach padvyšeńnia koštaŭ na aŭto i ab alternatyŭnych varyjantach rašeńnia hetaj prablemy.
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram27
Kamientary