Apazicyja zmusiła ŭładu prymianić žorstkija miery 19 śniežnia, ličyć staršynia savieta respubliki.
Staršynia savieta respubliki Anatol Rubinaŭ zajaviŭ, što 19 śniežnia apazicyja spravakavała ŭładu na žorstkija dziejańni ŭ dačynieńni da ich.
«Na žal,
Jeŭropa pajšła na pavadu ŭ nievialikaj hrupy asob, jakija pajšli na ŭsio, tolki b prymusić ułady ŭžyć da ich žorstkija miery i sarvać adnosiny Biełarusi i ES»,— zajaviŭ A. Rubinaŭ, adkryvajučy siesiju savieta respubliki nacyjanalnaha schodu, pieradaje
Pa słovach A. Rubinava, apazicyja «litaralna parazituje na zdarovym ciele dziaržavy».
Śpikier vykazaŭ škadavańnie «pazicyjaj jeŭrapiejskich palitykaŭ, jakija pryniali za čystuju manietu insinuacyi kandydataŭ, jakija prajhrali».
Źviartajučysia da členaŭ savieta respubliki, A. Rubinaŭ zajaviŭ, što zadača sienataraŭ — «paśladoŭna i arhumientavana pakazvać ludziam sapraŭdny stan spraŭ». Jon taksama vykazaŭ peŭnaść u tym, što «ŭ bližejšyja hady našy adnosiny ź Jeŭropaj narmalizujucca». «Jak tolki źlacić čarhovaja prapahandysckaja antybiełaruskaja chvala, budziem imknucca da ŭstanaŭleńnia adnosin», — skazaŭ A. Rubinaŭ.
U luboj demakratyčnaj krainie zajava, što apazicyja parazituje na zdarovym ciele dziaržavy była b raŭnaznačnaja palityčnaj śmierci taho, chto heta zajaviŭ. Zrešty, ciažka navat ujavić sabie, kab apanienty Mierkiel nie mieli mahčymaści na roŭnych vykazvać svaje pohlady na TV abo kab prezident Abama padsłuchoŭvaŭ svaich kankurentaŭ z Respublikanskaj partyi. Nu, a
zatrymańnie siami kandydataŭ u prezidenty ŭ viečar vybaraŭ ci źbićcio Niaklajeva da nieprytomnaści stopracentova trapiać na čornyja staronki knihi rekordaŭ Hinesa.Vidać, Rubinavu mocna smylać hetyja rany, kali jon zhadvaje pra ich na adkryćci siesii savieta respubliki.
U pošukach ža temaŭ dla vystupu «narodnamu abrańniku», pryznačanamu Łukašenkam, varta vyjści ŭ kramy i pasłuchać, što ludzi havorać nakont rostu cenaŭ.
Ciapier čytajuć
Łukašenka: Razmova z Makronam doŭžyłasia 1 hadzinu 40 chvilin. Projduć pieramovy z pradstaŭnikom Francyi4
Kamientary