Narodny majstar z-pad Pružan daścipna vyśmiejaŭ Łukašenku
«Lahčej na kańkach katacca, čym chaziajstvam zanimacca».
U Ružanach byŭ arhanizavany fest «Ružanskaja brama». Arhanizavaŭ jaho rajvykankam, ale sapraŭdny furor na im zrabili pracy 80-hadovaha narodnaha majstra Mikałaja Tarasiuka. Čałaviek vykanaŭ z dreva śmiełuju satyru na Alaksandra Łukašenku. I supravadziŭ daścipnymi podpisami na miascovym dyjalekcie: «Lahčej na kańkach katacca, čym chaziajstvam zanimacca».
80-hadovy narodny majstar ź vioski Stojły Pružanskaha rajona — rezčyk pa drevie. Jon maje hanarovaje zvańnie Narodny majstar Respubliki Biełaruś. Jahonaj tvorčaści pryśviačalisia cełyja albomy.
Śviata było arhanizavanaje Ružanskim rajvykankamam u paŭrazburanym Ružanskim zamku dla prezientacyi dyska «Knihazbor rodu Sapiehaŭ». Było i teatralizavanaje pradstaŭleńnie, i łaziernaje šou. Ale sapraŭdnym šou stała vystava narodnych majstroŭ.
Tarasiuk vystaviŭ na im fihurki, padobnyja da prezidenta adnoj uschodniejeŭrapiejskaj krainy.
Piersanaž to vystupaje z trybuny, to staić na kańkach. A narod vakoł žyvie svaim žyćciom. I navat publika ŭ zale pravadyra nie słuchaje, zajmajecca svaimi spravami. Usio, što dumaje pra situacyju ŭ krainie, rezčyk vykazaŭ u raskładzienych tutsama podpisach. Časam humarystyčnych, časam złych, napisanych na miascovym dyjalekcie.
Publika vysoka acaniła tvory svajho ziemlaka, choć niekatoryja spačatku i pałochalisia.
A voś videa pra narodnaha majstra:
Ciapier čytajuć
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča13
Kamientary