dapoŭniena
Zamiežny doŭh pieravaliŭ za $30 miljardaŭ, vyras na $3,2 miljarda za try miesiacy
U kancy hoda źniešni doŭh moža pieravysić hadavy VUP Biełarusi.
Sukupny zamiežny doŭh Biełarusi na 1 krasavika skłaŭ $31,7 miljarda. Za pieršy kvartał 2011 hoda jon vyras na $3,2 miljarda, abo na 11,3%.Heta vynikaje z dadzienych, raźmieščanych na sajcie Biełstata.
U absalutnych ličbach heta rekordnyja tempy rostu za kvartał. Nikoli jašče zamiežny doŭh nie pryrastaŭ bolš čym na 3 miljarda dałaraŭ za try miesiacy.U čaćviortym kvartale 2010 hoda zamiežny doŭh vyras na 11,4%, ale heta składała kala 2,8 miljarda dalaraŭ. Patreba krainy ŭ zamiežnych pazyčańniach rasła jak śniehavy kamiak pa miery rostu deficytu biahučaha rachunku.
Kab spynić hety kamiak, ułady pajšli na devalvacyju rubla i spynili valutnyja interviencyi na rynku.
Jak bačna, u siarednim rost doŭhu składaŭ kala $1 miljarda. Takim čynam,
da kanca hoda źniešni vałavy doŭh krainy moža daraści da $40 miljardaŭ.Ciapier što da pamieru vałavaha ŭnutranaha pradukta (VUP) Biełarusi. U 2010 hodzie skłaŭ 163 tryljony rubloŭ. Navat kali ŭličyć, što jahony rost da kanca hoda zachavajecca na ŭzroŭni 12%, to VUP krainy za 2011 hod składzie kala $40 miljardaŭ.
U vyniku ŭ kancy hoda źniešni doŭh moža pieravysić hadavy VUP Biełarusi.Heta aznačaje, što kraina raniej, čym mierkavałasia, dasiahnie krytyčnaj stoli zamiežnaj zapazyčanaści.
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia9
Kamientary