дапоўнена
Замежны доўг пераваліў за $30 мільярдаў, вырас на $3,2 мільярда за тры месяцы
У канцы года знешні доўг можа перавысіць гадавы ВУП Беларусі.
Сукупны замежны доўг Беларусі на 1 красавіка склаў $31,7 мільярда. За першы квартал 2011 года ён вырас на $3,2 мільярда, або на 11,3%.Гэта вынікае з дадзеных, размешчаных на сайце Белстата.
У абсалютных лічбах гэта рэкордныя тэмпы росту за квартал. Ніколі яшчэ замежны доўг не прырастаў больш чым на 3 мільярда далараў за тры месяцы.У чацвёртым квартале 2010 года замежны доўг вырас на 11,4%, але гэта складала каля 2,8 мільярда даляраў. Патрэба краіны ў замежных пазычаннях расла як снегавы камяк па меры росту дэфіцыту бягучага рахунку.
Каб спыніць гэты камяк, улады пайшлі на дэвальвацыю рубля і спынілі валютныя інтэрвенцыі на рынку.
Як бачна, у сярэднім рост доўгу складаў каля $1 мільярда. Такім чынам,
да канца года знешні валавы доўг краіны можа дарасці да $40 мільярдаў.Цяпер што да памеру валавага ўнутранага прадукта (ВУП) Беларусі. У 2010 годзе склаў 163 трыльёны рублёў. Нават калі ўлічыць, што ягоны рост да канца года захаваецца на ўзроўні 12%, то ВУП краіны за 2011 год складзе каля $40 мільярдаў.
У выніку ў канцы года знешні доўг можа перавысіць гадавы ВУП Беларусі.Гэта азначае, што краіна раней, чым меркавалася, дасягне крытычнай столі замежнай запазычанасці.
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся9
Каментары