Najlepšaha bambardzira čempijanatu Rasii śpiecnazaviec paśla matču pačastavaŭ elektrašokieram - videa
«Tut, u Rasii, mahčyma absalutna ŭsio», — z horyčču skazaŭ Danka Łazavič.
Śpiecnazaviec ź Nižniaha Noŭharada ŭžyŭ elektrašokier suprać futbalista picierskaha «Zienita» Danki Łazaviča paśla matču 14 tura čempijanatu Rasiei ź miascovaj «Vołhaj», jaki zaviaršyŭsia ź likam 2:0 na karyść haściej.
Tolki pa ščaślivaj vypadkovaści futbalist nie paciarpieŭ. «Ja prosta pajšoŭ padaryć svaju futbołku zaŭziataram paśla hulni, kali zzadu źjaviŭsia palicyjant i ŭdaryŭ mianie ŭ śpinu elektrašokam. Nie viedaju, čamu tak adbyłosia — mahčyma, jon padumaŭ, što ja adzin z fanataŭ. Časam zdarajecca tak, što ludzi robiać strašnyja rečy. Było dziŭnaje pačućcio. Dziŭna, što takoje ŭ pryncypie moža adbyvacca dzieści na spartyŭnych spabornictvach, ale tut, u Rasii, mabyć, mahčyma absalutna ŭsio», — z horyčču skazaŭ Łazavič aficyjnamu sajtu «Zienita».
Palicyja Nižniaha Noŭharada spačatku admaŭlała fakt užyćcia elektrašokiera suprać futbalista. Ale paśla daktary paćvierdzili: u spartoŭca apiok cieła pieršaj stupieni ŭ rajonie łapatki.
Danka Łazavič — sierb, jaki hraje za picierski «Zienit».
U Biełarusi taksama incydenty z fanatami robiacca ŭsio čaściejšymi. Apošni skandał zdaryŭsia ŭ Babrujsku: tam śpiecnaz previentyŭna ŭžyŭ ślezaciečny haz, u vyniku čaho paciarpieła dzicia.
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia11
Kamientary